Frådeling av eigedom (deling av grunneigedom)

Søknad om frådeling av grunneigedom skal alltid handsamast etter reglar i plan- og bygningslova med mindre delinga skjer som ledd i jordskifte. Søknadane skal også handsamast etter reglar i jordlova med mindre delinga skjer i planområde der jordlova ikkje lenger gjeld. Som frådeling blir i denne samanheng rekna all deling av grunneigedom, samt leige eller bortfesting av grunneigedom for lengre tidsrom enn 10 år.
I område som ikkje inngår i reguleringsplan trengst det dispensasjon frå arealdelen til kommuneplanen for frådeling til føremål som ikkje er ein del av stadbunden næring. Det same gjeld for område innanfor reguleringsplan dersom frådelinga er i strid med reguleringsføremålet.
I 100-meters beltet langs Lusterfjorden er det forbod mot frådeling, sal eller bortleige av ubebygd del av eigedom med mindre området ligg i tettbygd strok eller i område som blir omfatta av reguleringsplan eller strandplan

Søknad skal fremjast på fastlagd skjema. For søknader om byggetomt utanfor regulerte byggeområde skal saka til vanleg handsamast etter jordlova, veglova, kulturminnelova (fylkeskultursjefen) og helselovgjevinga (kommunelegen) (+ fylkesmannen si miljøvernavdeling dersom det gjeld tomt i forbodssona langs fjorden) før saka blir lagd fram for det faste utvalet for plansaker til endeleg avgjerd etter plan- og bygningslova.
Dersom søknaden blir avslegen med heimel i anna særlovgjeving kan det heller ikkje gjevast frådelingsløyve etter plan- og bygningslova.

Avgjerast av: Det faste utvalet for plansaker skal handsame plan- og bygningslovssaker med frådelingssøknader som inneber dispensasjon frå arealdelen til kommuneplanen, byggeforbodet i 100-meters beltet langs fjorden (pbl § 17-2) eller frå reguleringsføremål i godkjent reguleringsplan.
Rådmannen fattar vedtak i kurante pbl-saker (frådeling i samsvar med reguleringsplan og mindre grensejustering)
Jordlova: Forvaltningsstyret har avgjerdsmynde for ubebygde tomtar inntil 2 daa.
Fylkeslandbruksstyret har avgjerdsmynde i saker der tomtearealet overstig 2 daa, det vere seg oppretting av ny parsell eller når det blir søkt om tilleggsareal som medfører at totalarealet til ei tomt overstig 2 daa.

• Delingslova av 23. juni 1978, kap. 2 og 3.
• Plan og bygningslova av 14. juni 1985, §§ 63 og 93 h).
• Plan- og bygningslova § 17-2 dersom det er tale om ubebygd tomt i 100- meters beltet langs Lusterfjorden
• Plan- og bygningslova §7 dersom det er tale om byggetomt i LNF-område i arealdelen til kommuneplanen eller areal som i reguleringsplan ikkje er avsett til byggeområde
• Jordlova av 12. mai 1995, § 12.