Gardsbesøk 8.trinn

Torsdag 9.mai var 8.trinn inviterte på gardsbesøk til tre flotte gardar på Hafslo.
Årets unge bonde Olav Einan tok oss med på lambefødsel, han viste oss korleis hunden Frøya kunne jaga sauene, samt at han tok oss med på jordbæråkeren. Terje Torgersen tok oss med inn i ein heilt moderne ku-fjøs og gav oss eit innblikk i korleis robotar og maskiner kan bidra i arbeidet som bonde. Claus Moe lot oss bli betre kjende med jordsmonnet på Hafslo og gav oss eit innblikk i infrastrukturen i bygda me bur i. Me fekk servert lunsj og repetert kunnskapen vår gjennom ein kjekk natursti.
Ein flott dag for elevane!