Korttidsopphald i sjukeheim
Opphold i sjukeheim med døgnkontinuerleg pleie og omsorg.
Sjukeheimsomsorga i Luster kommune fungerar etter primærpleiemodellen.
Det er tre sjukeheimar i kommunen, avd. Hafslo 16 plassar, avd. Gaupne 24 plassar og avd. Luster 24 plassar.
Det er lagt vekt på individuell tilretteleggjing i høve til:
- personleg hygiene, moglegheit for eigenomsorg, tilpassa hjelp ved måltid og nok ro til å ete, tilpassa hjelp ved av-og påkledning, følgje normal døgnrytme og unngå uønska og unødig sengeopphold, oppleve tryggleik, forutsigbarheit og respekt, tilbod om varierte og tilpassa aktivitetar både ute og inne og ei verdig livsavslutning i trygge og rolege omgjevnader.
Målgruppe
Eldre og funksjonshemma
Vilkår
Tidsavgrensa opphald/korttidsopphald vert vurdert når alle hjelpetiltak allereie er utprøvd eller vurdert og behovet for medisinsk behandling og pleie tilseier heildøgns omsorg og pleie for ein periode. Tilbodet skal førebyggja langtidsinnlegging, nyttast som observasjon og utgreiing og/eller rehabilitering/opptrening.
Lov om helsetjenesten i kommunen § 2-1 jfr §1-3
Pris
Kommunestyret har vedteke at betaling for korttidsopphald skal følgje makssatsane frå sosial- og helsedepartementet.
Satsane er fastsett ved "Forskrift om vederlag for opphald i institusjon av 26.04.95, § 4 annet ledd."
Gjeld berre ved siste opphold før ev. overgang til langtidsopphald!
(Har pasienten hatt fleire tidsavgrensa opphald/korttidsopphald, kan kommunen krevje vederlag etter reglane for langtidsopphald, når pasienten har vore på institusjon i minst 60 døgn pr. kalendarår.
Jf. Forskrift om vederlag for opphald i institusjon av 26.04.95, § 4.
Handsaming
Søknadsskjemaet skal sendast til Luster kommune, tenestekontoret v/Gaupne omsorgssenter, 6868 Gaupne.
Opphald i sjukeheim vert handsama i tildelingsteamet. Tildelingsteamet er eit rådgjevande organ og er samansett av leiar Luster heimeteneste, leiar Luster sjukeheimsteneste, helsesjefen og leiar ATS. Helsesjefen er leiar av teamet.
Einingsleiar har vedtaksmynde og sender skriftleg svar til søkar.
Tenesta vert tildelt som enkeltvedtak.
Handsamingstid
1 - 2 veker
Søknadsfrist
Ingen
Klage
Vedtaket kan klagast på. Opplysningar om klagerett går fram av vedtaket.
