Legekontoret - informasjon

Luster legekontor har eiga heimeside: http://www.lusterlegekontor.no

Korleis få fornya resept:
Reseptar kan tingast hos sekretær i skranke, pr. telefon eller via e-post. Du kan be om å få tilsendt resepten eller hente den sjølv i resepsjon. Du kan levere resepten på medisinutsala. Medisinen kan du få i posten, hente den på medisinutsala, eller hente den på apotek.

Medisinutsala i kommunen:
- Spar, Gaupne (ved bestilling før kl. 12.00 , kan medisin utleverast etter kl. 17.15 same dag når skuleruta går)
I særskilde høve kan medisinen leverast på:
- Coop, Skjolden.
- Lerumsbui, Luster.
- Bakkens ettf., Gjerde
- Sterri, Hafslo.
- Matkroken, Veitastrond.

Korleis få svar på blodprøve:
Dersom prøven er normal, høyrer du ingen ting. Du kan dersom du ønskjer det ringje til legekontoret og få svaret hos sekretær. Ved unormale prøvesvar ringjer vi deg opp eller gjev deg skriftleg beskjed.

Tidspunkt for å koma og ta blodprøvar:
Alle kvardagar mellom kl. 08.30 - 13.30.

Tidspunkt for å koma og ta injeksjon, sprøyte, fjerne sting eller få sårskift:
Helst i tidsrommet mellom kl. 10.00 - 14.00.

Byte til anna legekontor:
Du kan når som helst be om å få overført kopi av din journal til ein annan lege utanfor senteret. Me må då ha skriftleg melding om dette frå deg.


Tinging av time:
Ring i tidsrommet mellom kl. 08.00 - 14.30 alle kvardagar, og ting time hjå legen du brukar. Er du ny pasient ved senteret, kan du fremja ønskje om kva lege du vil bruka, men kapasiteten til legen vil avgjera om ønskje kan innvilgast. Dersom du treng rask hjelp, vil medarbeidarane vurdere dette, eller overlate til legane å snakka med deg. Det er sett av timar til øyeblikkeleg hjelp kvar dag.

Korleis få snakka med legen utanom avtala time:
Ring medarbeider på føremiddag. Du vil då bli sett opp på telefonliste slik at legen ringjer deg attende.
Telefonkøen kan du unngå ved å bruke heimesida vår lusterlegekontor.no. Bruk tenesta attest.

Kva skjer når legen er borte:
Legane ved helsesenteret vil då gje den hjelp som er nødvendig. Dei vil også sørge for å dekke kvarandre opp i feriar o.l.