Digitalt planarkiv - Reguleringsplanar

Gjeldande reguleringsplanar i Luster kommune finn du på www.sognekart.no

Link til: Finn planane sjølv på internett (rettleiing)

Reguleringsplanar er detaljerte planar med tilhøyrande føresegner som regulerer bruk, vern og utforming av areal og fysiske omgivnader, for bestemte område i kommunen. Planane kan omfatte eit eller fleire formål.

Det er etter ny lov to typer reguleringsplanar - områderegulering og detaljregulering.
Områderegulering blir brukt av kommunen der det er behov for meir områdevise avklaringer av arealbruken.

Private aktørar har rett til å fremje framlegg til detaljregulering.
Eit krav etter lova er at private aktørar og kommunen skal ha eit oppstartsmøte for å avklare problemstillingar knytt til planen og eventuelt behov for konsekvensutgreiing (KU). 

Rettleiar for utarbeiding av reguleringsplanar

Vedteken reguleringsplan gir rettsgrunnlag for gjennomføring av tiltak og utbygging, og eventuelt ekspropriasjon.
Føresegnene om reguleringsplanar finst i kap. 12 i plan- og bygningslova.

Reguleringsplan og utbyggingsplan er plantypar etter gamal plan- og bygningslov.
Planar etter både ny og gamal plan- og bygningslov vil forsette å eksistere side ved side inntil ein plan blir oppheva ved vedtak eller blir erstatta av ny plan.