Framsida @ www.luster.kommune.no

Stenging av veg ved idrettshallen i Gaupne

Thu, 23 Feb 2012 00:00:00 +0100

Tilkomst til idrettshallen og gangvegen til skulen vert delvis stengt frå veke 9 grunna flytting av Grandmo pumpestasjon. Ver merksam på gjeldande skilting og avsperring.

Kine og Mathilde spelte for kommunestyret

Wed, 22 Feb 2012 10:45:45 +0100

Kine Svori (t.v.) og Mathilde Skjæret frå Jostedal – vinnarane av juniorklassa i gruppespel for hardingfele under Landskappleiken i Seljord i fjor sommar – var dei som underheldt i starten kommunestyremøtet torsdag 16. februar. Stor fagnad fekk dei også av medlemane i kommunestyret.

Kommunale tilskot 2012

Thu, 09 Feb 2012 15:02:26 +0100

Tilskot til vedlikehald private vegar

Vegar over 300 m har rett til tilskot. For alle vegar skal det trekkast frå 100 m pr. interessent før tilskotssummen vert utrekna.

Tilskot vert gitt etter søknad der det skal gå fram lengde på vegen og talet interessentar. Som interessent vert rekna kvar eigedom (gbnr.) med heilårsbustad.

Heile regelverket finn du her.

Dei som fekk tilskot til vedlikehald i fjor treng ikkje å søkje på nytt, men er pliktig å melda endringar i tal meter eller interessentar.

Kontaktperson: Terje Arild Kveane tlf. 57 68 57 40 epost terje.arild.kveane@luster.kommune.no.

Søknadsfrist 1. mars 2012.

Tilskot til kulturføremål

Luster kommune har på sitt budsjett for 2012 vedteke det økonomiske omfanget til dei ulike tilskotsordningane. Reglement for tilskot til kulturføremål, gjeldande for 2012-2015, regulerer vilkåra for og storleiken på den kommunale medverknaden. Det kan søkast om:

1. Grunnstønad

2. Lokale arrangement, spesielle tiltak utanom ordinær aktivitet og gåvepremiar

3. Refusjon for drift av anlegg (spesifisert for kvart enkelt anlegg)

4. Nærmiljøtiltak

5. Større vedlikehald (jf. kommunedelplan)

6. Fritidsleiing

7. Friluftslivstiltak

8. Kulturvern og antikvarisk kulturminnevern

9. Samarbeidsavtalar og kulturstipend

Søknadsskjema for ordningane finn du på heimesida under Sjølvbetening.

Kontaktpersonar:
Erling Bjørnetun, tlf 57 68 55 21, epost erling.bjornetun@luster.kommune.no
Liv Helen Nystuen, tlf 57 68 55 42 epost liv.helen.nystuen@luster.kommune.no.

Søknadsfrist er 1. mars 2012.

Søknad om tilskot til fritidsleiing, spesielle tiltak og gåvepremiar kan søkast på heile året.

Tilskotsordningar i landbruket

Utlysing av tilskot til spesielle miljøtiltak i jorbruket (SMIL) våren 2012.

Tiltak knytt til tradisjonell bruk av utmark:
- Restaurering av eldre stølshus og stølsmiljø.

- Rydding og skjøtsel av slåtte- og beitemark.

- Restaurering av gamle steingjerde og andre særeiga

kulturmarkselement.

- Uteløer.

- Restaurering av gamle ferdselsvegar.

Tiltak som kan bidra til å ta vare på biologisk mangfald i Luster kommune:
- Utarabeiding av skjøtselplanar for spesielt verdifulle område.

- Støtte til område som har skjøtselplanar eller andre

planar, som t.d. miljøplan trinn 2 på gardsbruk,

for ivaretaking av område med spesielt biologisk

mangfald.

Tiltak som hindrar/reduserer ureining, som t.d. avrenning frå landbruket og liknande.

Tiltak som er knytt til nasjonale, regionale og lokale verdifulle natur- og kulturlandskap.

Bruken av SMIL-midlar skal prioritera søkjarar som har rett på produksjonstilskot, samt til søkjarar med tiltak på leigejord.

Tiltak med høg verdi for ålmenta skal prioriterast før tiltak med rein eigennytte.

Her er link for meir informasjon og søknadsskjema.

Spørsmål? Ta kontakt med naturforvaltar Inger Moe, tlf. 57 68 55 84 epost inger.moe@luster.kommune.no.
Søknadsfrist 1. mars 2012. (Restfordeling: 1. sept.)

Utlysing av tilskot til nærings- og miljøtiltak innafor skogbruket 2012.

- Tilskot til replanting av hogstområde.

- Tilskot til skogkultur.

- Kultivering av lauvskog.

- Søknad om midlar til skogbilvegar og tilskot til drift i bratt terreng vert avgjort av fylkesmannen, men skal sendast om kommunen.

Spørsmål? Ta kontakt med skogbrukssjef Arne Kristian Borger, tlf. 57 68 55 51 epost arne.kristian.borger@luster.kommune.no.

Søknadsfrist: 1. mars og 1. september 2012.

Elles: Det er ikkje særskild søknadsfrist for kommunale tilskotsordningar innan landbruk.

Intern utlysing - ledig legestilling ved ny korttidsavdeling

Mon, 20 Feb 2012 15:48:53 +0100

Sidan dette er ei ny avdeling og ei ny stilling, er det mange detaljar som ikkje er avklart. Den som vert tilsett vil vere sentral i arbeidet med detaljutforming av avdelinga og legestillinga.

Stillinga er på 50% med arbeidstid på dagtid, men detaljar i høve til ev gradvis oppstart/ opptrapping mm. vil bli vurdert i vidare arbeid med detaljutforminga.

Spørsmål om stillinga kan rettast til kommuneoverlege/ helsesjef, Knut Cotta Schønberg, tlf. 57 68 56 00, e-post: knut.cotta.schonberg@luster.kommune.no.

Tilsette i kommunen kan sende søknad på elektronisk søknadsskjema.

Søke på ledig stilling - rettleiing oversikt over ledige stillingar

Gå til søknadsskjema

Intern utlysing. Leiarstilling - ny korttidsavdeling

Tue, 21 Feb 2012 08:54:49 +0100

100% stilling som leiar av korttidsavdelinga. Stillinga er ei fagstilling som vil inngå i ordinær turnus. Stillinga har ein administrasjonsressurs på 20% som primært skal nyttast til fagleg oppfølging og fagleg utviklingsarbeid.

Sidan dette er ei ny avdeling og ei ny stilling, er det mange detaljar som ikkje er avklart. Den som vert tilsett vil vere sentral i arbeidet med detaljutforming av avdelinga og den nye stillinga. Leiar av korttidsavdelinga vil rapportere til leiar av Luster sjukeheimsteneste.

Arbeids- og ansvarsområde (detaljar vil bli vurdert nærare) :

· Deltaking i arbeidet med detaljutforming av den nye avdelinga.

· Deltaking i arbeidet med bemanning av den nye avdelinga.

· Drift og utvikling av korttidsavdelinga.

· Fagleg ansvar for tenestetilbodet.

· Aktiv samhandling med interne og eksterne samarbeidspartnarar.

Ynskjelege kvalifikasjonar:

· Offentleg godkjend sjukepleiar.

· Relevant praksis.

· Evne til å arbeide aktivt, systematisk, målretta og løysingsorientert - saman med andre.

Personlege eigenskapar vil verta vektlagde.

Vi kan tilby:

· Varierte, interessante og utfordrande arbeidsoppgåver.

· Sentral rolle i viktig utviklingsarbeid.

· Løn etter avtale.

· Elles vanlege kommunale tilsetjingsvilkår med pensjons- og forsikringsordningar.

Spørsmål om stillinga kan rettast til leiar av Luster sjukeheimsteneste Kari Paulsen

tlf. 57 68 57 02 / 41689136, e-post: kari.paulsen@luster.kommune.no.

Tilsette i kommunen kan sende søknad, bruk elektronisk søknadsskjema.

Søke på ledig stilling - rettleiing oversikt over ledige stillingar

Gå til søknadsskjema

Landbruksrådgjevar

Fri, 17 Feb 2012 14:41:28 +0100

Arbeids- og ansvarsområde:

Sakshandsaming etter landbrukslovgjevinga
Rådgjeving og planlegging innanfor landbruk
Kvalitetssikring av gardskart – synfaringar i felt
Kontroll av vassdragstiltak – elveforbyggingar m.v.
Anna førefallande arbeid innanfor landbruk- og naturforvaltning

Me søkjer etter ein person med:

Utdanning på masternivå – UMB eller tilsvarande
Innsikt i praktisk landbruk
God munnleg og skriftleg framstillingsevne
Relevant praksis

Kommunen kan tilby:

Varierte og interessante arbeidsoppgåver
Hjelp til å skaffa bustad
Løn etter avtale
Elles vanlege kommunale tilsetjingsvilkår med pensjons- og forsikringsordning

Søke på ledig stilling - rettleiing, oversikt ledige stillingar.

Gå til søknadsskjema.

Søknadsfrist 02.03.2012.

Spørsmål kan rettast til landbrukssjef Steinulf Skjerdal, tlf.: 57 68 55 83 / 97 64 62 40,

e-post: steinulf.skjerdal@luster.kommune.no

Jarle Skartun tilsett som ny rådmann

Thu, 16 Feb 2012 17:18:29 +0100

Jarle Skartun, f. 1956, har vore tilsett i Luster kommune sidan 2004, mesteparten av tida som rådgjevar og i dag som kommunalsjef. I ein periode på i overkant av eitt år (2006-07) vikarierte han som assisterande rådmann. Skartun har i Luster kommune arbeidd over eit breitt saksfelt, men har hatt eit særleg ansvar for stabseininga eigedom. Han har og vore sentral i kommunen sitt budsjett- og økonomiplanarbeid.

Jarle Skartun kan elles vise til tung politisk erfaring, både frå kommunenivået (ordførar i Sogndal) og fylkesnivået. Han kan og vise til krevjande styreverv.

Jarle Skartun bur i Sogndal, men har godt kjennskap til Luster kommune – både som organisasjon og som geografisk eining. Etter ordføraren si vurdering har han gode føresetnader for å vidareføre det gode arbeidet som har vore ført på rådmannsnivået i kommunen.

Kommunestyret handsama saka i møtet sitt i dag, 16. februar 2012.
Dei gjorde slikt samrøystes vedtak:

Luster kommunestyre tilsett Jarle Skartun som ny rådmann i Luster frå 10.april 2012.
Formannskapet får fullmakt til å fastsetje tilsettingsvilkår og godkjenne arbeidsavtale.

Audition Luster danseverkstad

Thu, 16 Feb 2012 14:08:32 +0100

Er du glad i å danse? Har du lyst på meir utfordringar innen dans? Kunne du tenkje deg å vere instruktør?

Då møter du opp på audition mandag 27. februar kl 19.00 i samfunnshuset på Hafslo
(det er ingen bindende audition, det er lov å ombestemme seg).

For meir informasjon ta kontakt med:

Danseinstruktør Tea Høyheim tlf 97989404
Ungdomskontakt Linda Huseby tlf 45015201 epost Linda.Cathrin.Huseby@luster.kommune.no

SFO søknadsfrist 15. mars

Wed, 15 Feb 2012 14:55:06 +0100

Det må sendast inn ein søknad pr. barn. Barn som har plass treng ikkje søka.

Ved søknad om SFO-plass skal det nyttast eit eige elektronisk søknadsskjema.

Her finn du det elektroniske søknadsskjemaet.

Dersom du ynskjer det, kan leiar ved SFO eller servicetorget på rådhuset rettleie deg.
Vedtak om SFO-plass vert sendt til den e-postadressa som vert nytta i søknaden, eller pr brev om du ikkje har e-post.

Stipendordning for ungdom

Wed, 15 Feb 2012 13:20:00 +0100

Søknadsskjema med reglar for tildeling av stipend finn du på Ungdommens Kommunestyre si side.