Sjekk her om du må søkje om løyve for byggeprosjektet ditt

På denne sida finn du informasjon om krav til søknad/løyve, kva ein kan gjere sjølv og kva som er unnateke krav om søknad/løyve:

• Aller først må du finne ut om byggearbeidet du ynskjer å utføre krev at du søkjer om løyve.
• Etter dei siste endringane i plan- og bygningslova er det no ikkje noko som heiter meldesaker. Enten er tiltaket søknadspliktig eller så er det ikkje krav til søknad.
• Punkta lenger ned seier noko om kva som blir kravd (løyve/søknad mm) ved ulike byggearbeid  
• Er du i tvil, bør du kontakte Servicetorget.

Arbeid som ikkje krev søknad om løyve:
Arbeid som ikkje krev søknad om løyve - link

• Legg merke til at arbeid som er unnateke frå søknad må vere i samsvar med plan- og bygningslova og vilkåra gjeve i medhald av lova, bl.a. arealplanar (kommuneplan og reguleringsplan).
• Kommuneplan og reguleringsplanar finn ein på Sognekart.no. Servicetorget vil også kunne hjelpe til med å gi informasjon om kommuneplan/ reguleringsplanar.

Arbeid som krev søknad om løyve og som kan gjennomførast av tiltakshavar (byggherre):
Arbeid som krev søknad om løyve og som kan gjerast av tiltakshavar(byggherre) - link

• Ein del av dei tiltaka som tidlegare var meldesaker er no søknadspliktige, men byggesaka kan likevel fremjast av tiltakshavar utan særskilte krav til godkjenning for ansvarsrett.
• Der tilbygg også omfattar etablering av våtrom er våtrommet søknadspliktig med krav om ansvarlege føretak for søknad, prosjektering, utførelse og kontroll.

Anna arbeid som krev søknad om løyve:
Anna arbeid som krev søknad om løyve - link 

• Søknaden må sendast inn, og arbeidet må utførast av føretak som kommunen kan godkjenne som ansvarleg søkjar, prosjekterande, kontrollerande og utførande.
• Generell informasjon og rettleiing om søknadsprosessane
  Sjå tenesteomtalar i menyen til høgre.
   

Situasjonskart:

• Det blir stilt krav om situasjonskart i dei aller fleste sakene. Kart, planføresegner og naboliste får du  ved å kontakte Servicetorget.

Søknaden:

• Luster kommune kan i dag ta i mot elektroniske søknader sendt via ByggSøk
  Vi tilrår at alle nyttar ByggSøk til å levere byggesøknaden. Systemet er utan utfylling av skjema og kontrollerer om søknaden er rett utfylt før den kan sendast til kommunen. 
• Vil du likevel bruke vanlege søknadsskjema kan desse lastast ned gratis.

Tidsfristar:

• Tidsfristar med særskilde verknader og andre tidsfristar.

Byggearbeidet:

• Når du har fått løyve, kan byggearbeidet setjast i gang. Du sjølv og det føretaket som har søkt og fått ansvarsrett, er ansvarleg for at arbeidet blir utført i samsvar med krav gjeve i eller med heimel i plan- og bygningslova.
• Kommunen kontrollerer ikkje byggearbeidet, men gjer gjennom tilsyn stikkontroll i enkeltsaker. Kommunen fører primært tilsyn med føretaka med gjennomgang av system og rutinar.