|
Du er her: Næring
Næringslivet i Luster
 Jordbruk
har tradisjonelt vore den viktigaste næringa i kommunen. Kjøt- og mjølkeproduksjon har vore viktig. Luster er den største sauekommunen i Sogn og Fjordane. I enkelte område av kommunen er geitehald viktig.
Det milde klimaet ved fjorden har og gitt høve til fruktdyrking. I dag er ikkje fruktdyrkinga ein særleg sentral aktivitet, men det er dei seinare åra satsa betydeleg på bærproduksjon, både jordbær og bringebær. I dag ligg Luster på topp i Sogn og Fjordane når det gjeld tal dekar med bær.
Nøkkeltal for jordbruket i Luster:
 | 1990 | 2000 | 2002 | 2004 |
| Bruk i drift i alt | 474 | 397 | 325 | 300 |
| Bruk med husdyr | 420 | 320 | 292 | 253 |
| Mjølkeproduksjon | 8 300 t | 6 875 t | 6 602 t | 6 738 t |
| Slakt | 607 t | 546 t | 552 t | 577t |
| Bærareal | 120 daa | 505 daa | 600 daa | 625 daa |
| Bærproduksjon | 100 t | 457 t | 450 t | 550 t |
Nøkkeltal for skogbruket
| Uttak av skogsvirke: | 1998 | 2000 | 2002 | 2004 |
| Omsett gjennom Luster Skogeigarlag m3 | 537 | 3.366 | 2 351 | 6 867 |
| + Lokalt foredla (anslag) | 1 200 | 1.500 | 1 500 | 1 000 |
| + Uttak av ved til brensel | 2 000 | 2.000 | 3 000 | 2 000 |
| = Total | 3 737 | 6.866 | 6 851 | 9 867 |
| = Førstehandsverdi kr | 2,2 mill. | 4,1 mill. | 4,5 mill | 2,8 mill. |
| Skogkultur: | | | | |
| Nyplanting, tal planter | 42 000 | 71.500 | 82 275 | 10 000 |
| Suppleringsplanting | 10 000 | 2.000 | - | - |
| Juletre, tal planter | | 8.500 | 1 000 | - |
| Planta areal | 168 daa | 288 daa | 330 daa | 40 daa |
| Klargjering av plantefelt | 62 « | 23 daa | 25 daa | 0 daa |
| Rydding av plantefelt | 146 « | 166 daa | 150 daa | 0 daa |
| Kostnader skogkultur | 244 764 kr | 326.918 kr | 300 030 kr | 40 000 |
| Vegbygging: | 1998 | 2000 | 2002 | 2004 |
| Ferdigstilt traktorveg | 1 350 m | 2 950 m | 2 000 m | 1 900 m |
| Ferdigstilt skogsbilveg | 0 m | 1 780 m | 0 m | 2 825 m |
| Skogavgift: | | | | |
| Inneståande skogavgift pr. 31.12. | 268 647 kr | 304.564 kr | 500 000 kr | 500 000 kr |
| Innbetalt skogavgift | 15 976 kr | 88.197 kr | 98 000 kr | 168 000 kr |
| Utbetalt skogavgift | 67 710 kr | 70.711 kr | 65 000 kr | 22 797 kr |
Industri
Det har vore satsa for å byggje opp industri i kommunen, og det er lagt til rette med næringsareal. Luster Mekaniske Industri A/S (LMI) er off-shoreretta, med sveising som sitt spesiale. Det er no ein arbeidsstokk på ca. 50 personar ved verksemda.
Ei anna bedrift som har ekspandert kraftig dei siste par åra er Paxar NTP AS som produserer transfers, eller merke for bekledning/tekstil. NTP er teknologisk leiande i sin bransje og eksporterer ein stor del av produksjonen. Over 90 tilsette.
Fjordglas AS produserer vindauge. Dei er nærare 20 tilsette og er inne i ei total modernisering av fabrikken.
Elles finn vi bedrifter innan treproduksjon, betongprodukt, sandblåsing, båtbygging, sjukehusutstyr, reklamebyrå og filmproduksjon.
Det er og fleire entreprenørar i kommunen både innan maskin/transport og bygg/anlegg.
Service
Innan Service har vi eit næringsliv som yter det meste av dei tenestene som trengst. Det er bygt ut forretningssenter i Gaupne ligg kjøpesenteret Pyramiden. I Gaupne vil ein og finne tilbod som:
- rekneskapstenester
- bank
- konsulent innan bygg
- reingjeringsfirma
- datatenester
- bilverkstader osv.
Elles i dei ulike bygdesentra vil ein finne nærbutikkar.
Kraftutbygging
Luster kommune er den største kraftprodusenten i Sogn og Fjordane - ja - faktisk ein av dei største i heile landet.
Dei største fallrettane i Luster vart tidleg på 1900-talet kjøpt opp av framandfolk. Fallrettane skifte mange eigarar før ÅSV fekk hand om Fortun på 1950-talet og bygde ut eit av landets største kraftverk der. For Jostedals- og Leirdøla-vassdraga lengre vest skjedde det ikkje noko før Staten vart eigar av fallrettane og bygde ut på 1970- og 1980-talet.
Kraftutbygginga har gitt kommunen næringsfond og årlege avgifter som primært skal nyttast til næringsutvikling. Dette gjer at kommunen kan tilby tilskot og rimelege lån til næringslivet.
Kraftproduksjonen gjev og ringverknader i form av sysselsetjing; det er 70-80 personar i kraftproduksjon/formidling i kommunen. Desse er tilsette i Statkraft og Hydro Energi.
Småkraftprosjektet
Luster kommunestyre vedtok i mars 2003 at kommunen i lag med Luster Energiverk og Luster Sparebank skulle starte opp eit 2-års prosjekt som skulle arbeide med småkraftverk. Gjennom prosjektet skulle ein byggje opp ein lokal kompetanse som skulle kunne gå inn i konkrete utbyggingsprosjekt og vurdere tekniske løysingar og økonomi. Å lose ei utbyggingssak gjennom den formelle godkjenningsprosessen var også ei oppgåve som var lagt til stillinga.
Til å leie prosjektet vart tilsett Torbjørn Tuften. Tuften kom frå stillinga som plansjef i kommunen. Prosjektet har ei styringsgruppe som er samansett av Ernst Veum frå kommunen, Karin Vikane frå sparebanken og Svein Halveg frå energiverket.
Sist oppdatert av Torodd Joranger,
13.10.2005
|