|
Du er her: Kultur, fritid > Kulturhistorie > Lokalhistorie
Lokalhistorisk årbok 1
 Dei 3 sogelaga i Luster og Luster kommune, kulturkontoret har gått saman om eit banebrytande prosjekt! For kvart sogelag, både i Hafslo,Jostedal og Luster, har ønskjet om ei årbok stått sentralt i lenger tid. Arbeidet med den så vidgjetne gards- og ættesoge har derimot drege av med dei fleste ressursane og såleis har kultursoge kome i andre rekke.
I år, knytt opp mot utvandrarjubileet, slår dei 3 laga til med den første av vonleg ein serie årbøker.
Forfattarane til den første boka er:
Kristian Helland, leiar av Pedagogisk Senter ved Norsk Lærarakademi i Bergen som skriv om; Mathilde frå Solvorn - eit lagnadsfylt ungdomsopprør.
Terje Mikael Hasle Joranger, assisterande bygdebokskrivar i Luster kommune, har teke føre seg utvandringa frå Luster i artikkelen Utvandringa frå Luster til Amerika.
Alfred Espe, bygdebokskrivar i Lærdal, har i sin artikkel teke føre seg eit avgrensa område i midt-vesten, og skildra livet og folki som slo seg ned der, i artikkelen Sogningar i Greenwood Township, Vernon County, Wisconsin.
Aud Marit Hilleren og Anne M. Grefsrud, aktive lokalhistorikarar på Veitastrond, skriv om; Veitastrond 1894 - 1994, om 100 års jubileet for «oppdaginga» av Austerdalsbreen.
Til slutt, men ikkje minst, kan lesarane få grundig innføring i byggjeskikken i Luster kommune, studert og analysert i ei hovudfagsoppgåve som Paal Mork har utført i 1993. Paal Mork er i dag tilsett som informasjonssjef ved Norsk Folkemuseum.
INNHALD
| Røter i Luster? | Føreord av Erling Bjørnetun |
| Utvandring. | Av Lars E. Øyane |
| Utvandringa frå Luster til Amerika. | Av Terje Mikael Hasle Joranger |
Mathilde frå Solvorn
- eit lagnadsfylt ungdomsopprør. | Av Kristian Helland |
Soga om Sogne-settlementet Greenwood
i Vernon Co., Wisconsin. | Av Alfred Espe |
| Veitastrond 1894 - 1994. | Av Aud Marit Hilleren og
Anne M. Grefsrud |
| Byggjeskikken i Luster. | Av Paal Mork |
Sist uppdatert av Else Kalhagen,
13.01.2005
|