Ordninga er finansiert gjennom spelemidlar, og skal bidra til eigna lokale, bygningar og utearenaer som gjev rom for ulik kulturell verksemd.
Du kan søkje om tilskot til
- kulturhus
- fleirbrukslokale
- spesiallokale for kunst og kultur, som bibliotek, bygg for museum eller andre kulturverntiltak
- scenekunstlokale
- konsertsal
- formidlingslokale for biletkunst
- etablering av livssynsnøytrale seremonirom
Midlane kan nyttast til nybygg, ombygging og modernisering av kulturbygning, men ikkje til vedlikehald eller drift.
Kven kan søkje?
Frivillige lag og organisasjonar, kommunar og fylkeskommune kan søkje på ordninga. Andre lag, organisasjonar og selskap kan også søkje, avhengig av vedtektene til laget. Spelemidlar skal ikkje gjerast om til forteneste for private fortenestebaserte aktørar.
Søknadsfrist
Kommunen skal kvalitetssikre og ev. prioritere søknader. Frist for å registrere søknad er 31. mars 2023.
Du finn søknadsskjema og meir informasjon på fylkeskommunen si nettside