Trenger du brukerveiledning?
Få svar på ofte stilte spørsmål her (FAQ)
Lovdata kan dessverre ikke svare på spørsmål angående juridiske problemer. Lovdata kan heller ikke bidra med å tolke regelverket eller finne frem til rettsregler som passer i et bestemt tilfelle. Kontakt den offentlige etaten spørsmålet gjelder, eventuelt advokat eller rettshjelper hvis du har behov for slik bistand.
Fant du ikke det du lette etter?
Send en e-post til support@lovdata.no
Forskrift om Jotunheimen nasjonalpark, Lom, Vågå, Vang, Luster og Årdal kommunar, Innlandet og Vestland
Heimel: Fastsett ved kgl.res. 14. november 2014 med heimel i lov 19. juni 2009 nr. 100 om forvaltning av naturens mangfold (naturmangfoldloven) § 34, jf. § 35 og § 62. Fremja av Klima- og miljødepartementet.
Endra ved forskrift 27 nov 2020 nr. 2541 (bl.a. tittel).
§ 1.Formål
Formålet med nasjonalparken er å ta vare på eit stort, samanhengjande og villmarksprega naturområde i overgangen mellom austlandsk og vestlandsk fjellnatur som inneheld særprega og representative økosystem og landskap utan tyngre naturinngrep.
Vidare er formålet med vernet å ta vare på:
Ålmenta skal ha høve til uforstyrra naturoppleving gjennom utøving av naturvenleg og enkelt friluftsliv med liten grad av teknisk tilrettelegging.
🔗Del paragraf§ 2.Geografisk avgrensing
Verneområdet omfattar areal innan følgjande eigedomar:
Lom kommune: Leir- og Bøverdalen statsallmenning (gnr./bnr. 155/1)
Vågå kommune: Langmorkje statsallmenning (gnr./bnr. 187/1)
Del av sameige under gnr./bnr. 2/1, 2/2, 3/1.
Gjende (vatnet, eigar Vågå kommune gnr/bnr. 191 og bnr. 1).
Russvatnet (eigar gnr./bnr. 143/1).
Vang kommune: gnr./bnr. 6/267.
Årdal kommune: Årdal vestre statsallmenning (gnr./bnr. 38/1).
Luster kommune: Luster austre statsallmenning (gnr./bnr. 215/1).
Nasjonalparken dekkjer eit totalareal på ca. 1151 km2 . Av dette ligg ca. 919 km2 i Oppland fylke og ca. 232 km2 i Sogn og Fjordane fylke.
Grensene for nasjonalparken går fram av kart i målestokk 1:70 000, datert Klima- og miljødepartementet, november 2014. Dei nøyaktige grensene for nasjonalparken skal merkjast opp i marka. Knekkpunkta skal koordinatfestas.
Verneforskrifta med kart skal oppbevarast i kommunane Lom, Vågå, Vang, Årdal og Luster, hos Fylkesmannen i Oppland og Fylkesmannen i Sogn og Fjordane, i Miljødirektoratet og i Klima- og miljødepartementet.
🔗Del paragraf§ 3.Vernereglar
I nasjonalparken skal inga varig påverknad av naturmiljøet eller kulturminne finna stad, med mindre slik påverknad er ein føresetnad for å ivareta føremålet med vernet. I nasjonalparken er det innafor ramma av vernereglane høve til å utøve landbruk, friluftslivturisme, jakt og fiske, undervisning og forsking.
Området er verna mot inngrep av ein kvar art, medrekna oppføring og ombygging av varige eller mellombelse bygningar, gjerde, anlegg og innretningar, riving av bygningar, parkering av campingvogner, bubilar, maskiner og liknande, opplag av båtar, vegbygging, bergverksdrift, vassdragsregulering, fjerning eller øydelegging av biologisk og geologisk materiale i grotter, graving, utfylling og lagring av masse, sprenging og boring, bryting av stein, mineralar og fossil og fjerning av større stein og blokker, drenering og anna form for tørrlegging, nydyrking, bakkeplanering, framføring av luft- og jordleidningar, bygging av bruer og klopper, oppsetting av skilt, opparbeiding og merking av stiar, løyper og liknande. Opplistinga er ikkje uttømmande.
Ombygging, utviding og nybygg skal skje i samsvar med lokal byggeskikk når det gjeld utforming, fargar og materialbruk, og skal tilpassast landskapet.
Vegetasjonen, medrekna daude buskar og tre, er verna mot all skade og øydelegging. Såing og planting av tre og annan vegetasjon er forbode.
Miljødirektoratet kan ved særskilt forskrift regulere beiting som kan skade eller øydelegge naturmiljøet.
Dyrelivet, medrekna hi, reir, trekkruter, hekke-, yngle- og gyteplassar er verna mot skade og unødvendig uroing. Utsetting av dyr og organismar på land og i vatn er forbode. Kalking i vassdrag må ha særskilt løyve.
Kulturminne skal vernast mot skade og øydelegging. Lause kulturminne kan ikkje flyttast eller fjernast. Riving og flytting av bygningar som kan ha kulturell eller historisk verdi krev løyve frå forvaltningsstyresmakta.
Istandsetting, vedlikehald og skjøtsel av kulturminne.
All ferdsel skal skje varsamt og ta omsyn til vegetasjon, dyreliv og kulturminne.
Organisert ferdsel som kan skade naturmiljøet, eller ferdselsformer som kan skade naturmiljøet, må ha særskilt løyve av forvaltningsstyresmakta. Forvaltningsplanen skal avklare kva for ferdsel som krev løyve.
Sykling og organisert bruk av hest er bare tillatt på veier, eksisterende stier og kjørespor. Det kan i forvaltningsplan fastsettes restriksjoner for slik ferdsel på nærmere angitte strekninger.
Innafor nærare avgrensa delar av nasjonalparken kan Miljødirektoratet ved særskilt forskrift regulere eller forby ferdsel som kan skade naturmiljøet.
Av omsyn til naturmiljøet og kulturminne kan forvaltningsstyresmakta leggje om eller krevje fjerna merking av stiar og løyper.
Reglane i pkt. 5 gjeld ikkje ferdsel ved gjennomføring av militær operativ verksemd og tiltak i samband med ambulanse-, politi-, brannvern-, rednings- og oppsynsverksemd, samt gjennomføring av skjøtsels- og forvaltningsoppgåver bestemt av forvaltningsstyresmakta.
Motorferdsel er forbode på land og vatn, medrekna start og landing med luftfartøy, og lågtflyging under 300 m over bakken.
Maksimal tillaten hastigheit med motorbåt på Gjende, Russvatnet og Bessvatnet etter f), g), h), i) og j) er 8 knop.
All slags ureining og forsøpling er forbode. All bruk av kjemiske midlar som kan påverke naturmiljøet er forbode.
Unødvendig støy er forbode. Det er ikkje tillate å bruke motordrivne modellfly, modellbåt, o.l.
§ 4.Generelle dispensasjonsreglar
Forvaltningsstyresmakta kan gjere unntak frå forskrifta dersom det ikkje strir mot formålet med vernevedtaket og ikkje kan påverka verneverdiane nemneverdig, eller dersom omsynet til tryggleik eller omsynet til vesentlege samfunnsinteresser gjer det naudsynt, jf. naturmangfaldlova § 48.
🔗Del paragraf§ 5.Forvaltningsplan
Det skal utarbeidast ein forvaltningsplan med nærare retningslinjer for forvaltning, skjøtsel, tilrettelegging, informasjon osv. Forvaltningsplanen skal godkjennast av Miljødirektoratet.
🔗Del paragraf§ 6.Skjøtsel
Forvaltningsstyresmakta, eller den forvaltningsstyresmakta avgjer, kan setje i verk tiltak for å oppretthalde eller oppnå den natur- og kulturtilstanden som er formålet med vernet.
🔗Del paragraf§ 7.Forvaltningsstyresmakt
Miljødirektoratet fastset kven som er forvaltningsstyresmakt etter denne forskrifta.
🔗Del paragraf§ 8.Rådgivande utval
Det skal opprettast eit rådgivande utval for forvaltninga av nasjonalparken.
🔗Del paragraf§ 9.Ikrafttreding
Denne forskrifta trer i kraft straks. Samstundes blir følgjande forskrift oppheva: 1980-12-5 nr. 1 og 2004-11-16 nr. 14931 : Jotunheimen nasjonalpark i Lom, Vågå, Vang kommunar, Oppland fylke, Luster og Årdal kommunar, Sogn og Fjordane fylke.