Torsdag 25. januar arrangerte me ei fin fellessamling ved skulen vår. Denne gongen var det 1. og 6. klasse som stod for underhaldninga. Dei imponerte stort med både sang, dans og presentasjon av naturfag/samfunnsfagprosjekt. 1. klasse hadde øvd inn fleire songar og viste oss eit utruleg flott kor. 6. klassingar som står framfor heile skulen med både dans og føredrag imponerer med kor trygge og flinke dei har blitt. I tillegg til alt dette, dansa 1. og 6. klasse saman til Norill sin musikk. Veke 5 er kampanjeveke med venskap som tema. Den siste tida har elevane i arbeidslivsfag frå 8. og 9. klasse snikra og måla nokre fantastisk flotte benkar til oss. Venskapsbenkane vart avduka denne dagen og plassert rundt i gongane på skulen. Tusen takk for ei så flott gåve! Me er veldig stolte av elevane (og dyktige lærarar). 

Den første gjengen på aldersblanda mix- animasjon er no ferdige med produksjonen av filmane sine. Ein kreativ gjeng som har jobba godt dei tre tysdagane me har hatt dette. Sjå resultata på youtube - aldersblanda mix. 

Då har 5., 7A og 7B også hatt kodetime. Veldig kjekt i alle klassane!

Dersom nokon har lyst å fortsette å kode heime, kan de gå inn på denne linken: https://kidsakoder.no/kodetimen/oppgaver/