Reidun Røneid og Tammam Tamim på Luster apotek fortel at du får kjøpt jodtablettar, jodix reseptfritt på apoteket. 10 tablettar kostar kr 300. Hugs at du ikkje skal ta tablett før myndigheitene tilrår det. Saman med tablettar får du med informasjon frå nasjonale myndigheiter.
Er du under 40 år, gravid, ammande eller har barn som bur heime? Då er rådet frå nasjonale myndigheiter at du har jodtablettar heime. Dei skal beskytte mot radioaktivt jod ved atomulukker, og du skal berre ta det om myndigheitene går ut med råd om det.
Som ein del av den nasjonale eigenberedskapsveka har kommunen gjennom veka minna om kva du bør ha heime for å kunne klare deg i minst tre døgn.
På sjekklista står jodtablettar.
Dette bør du ha heime
Kommunen har også lager av jod
Luster kommune har som del av den nasjonale beredskap lager av jodtablettar. Den prioriterte gruppa er alle under 18 år, ammande og gravide. Kommunen har eit system for å dele ut dette dersom myndigheitene gir råd om det.