Forskrift om gebyr for gjennomføring av feiing og tilsyn med fyringsanlegg, Sogndal, Vik og Luster kommune, Vestland fylke

DatoFOR-2020-12-17-3060
Ikrafttredelse01.01.2021
Sist endretFOR-2022-06-30-1595
Gjelder forSogndal, Vik og Luster kommunar, Vestland
HjemmelLOV-2002-06-14-20, LOV-2002-06-14-20-§28
Kunngjort29.12.2020   kl. 17.45
KorttittelForskrift om gebyr for feiing og tilsyn med fyringsanlegg, Sogndal, Vik og Luster kommune, Vestland fylke

Heimel: Fastsett av Vik kommunestyre 3. september 2020, Sogndal kommunestyre 10. desember 2020 og Luster kommunestyre 17. desember 2020 med heimel i lov 14. juni 2002 nr. 20 om vern mot brann, eksplosjon og ulykker med farlig stoff og brannvesenet sine redningsoppgaver (brann og eksplosjonsvernloven) § 28.
Endra ved forskrift 30 juni 2022 nr. 1595.

§ 1.Føremålet med forskrifta

Den lokale forskrifta skal sikre at kommunen får dekka sine utgifter ved gjennomføring av lovbestemt feiing og tilsyn med fyringsanlegg.

§ 2.Verknadsområde

Denne forskrifta gjeld for Sogndal, Vik og Luster kommunar.

Forskrifta er gebyrregulativ for lovpålagd feiing og tilsyn som blir gjennomført av Sogn brann og redning IKS for Sogndal, Vik og Luster, i samsvar med forskrift om brannforebygging § 17.

§ 3.Definisjonar

-Feiing er reinsing av røykkanal i samsvar med krav gitt i eller i medhald av brann- og eksplosjonsvernlova.
-Tilsyn er kontroll av at pliktar knytt til fyringsanlegget gitt i eller i medhald av brann- og eksplosjonsvernlova blir overhalde, og eventuelle reaksjonar knytt til dette.
-Fyringsanlegg omfattar både eldstaden og røykkanalen og eventuelle matesystem for brensel.

§ 4.Feie- og tilsynsgebyr

Gebyret for feiing og tilsyn med fyringsanlegg blir fastsett årleg av kommunestyret etter framlegg frå styret i Sogn brann og redning IKS. Gebyret blir kravd inn med same intervall som dei andre kommunale avgiftene og gebyra. Gebyret dekker både feiing og tilsyn. Gebyrtakstar blir å finne i prisbok for den enkelte av eigarkommunane.

Kommunen skal krevje inn gebyr for alle som får feie- og tilsynstenester, uavhengig av om fyringsanlegget er i bruk eller ikkje.

Gebyret er ikkje knytt til tidspunktet for når feiing og tilsyn blir gjennomført. Gebyrsatsane skal tilpassast intervall i samsvar med Sogn brann og redning IKS si risikovurdering av tenestene, jf. forskrift om brannforebygging § 17. Gebyr skal krevjast inn sjølv om feiing eller tilsyn ikkje er gjennomført i følgjande tilfelle:

-Feiaren ved inspeksjon av røykkanalane i fyringsanlegget har funnet at feiing ikkje er naudsynt.
-Feiaren etter varsel og oppmøte til fastsett tid ikkje har fått tilfredsstillande tilkomst til fyringsanlegget, fordi eigar/brukar ikkje har vore til stades og/eller ikkje har lagt forholda til rette for tilkomst.
0Endra ved forskrift 30 juni 2022 nr. 1595.

§ 5.Kva gebyret skal dekke

Gebyret skal dekke kommunen sine utgifter til lovpålagde oppgåver med fyringsanlegg etter det til ein kvar tid gjeldande regelverket. Grunnlaget for gebyrsatsane og fordelinga av dei blir å finne på Sogn brann og redning IKS si heimeside.

0Endra ved forskrift 30 juni 2022 nr. 1595.

§ 6.Gebyrfritak

Kommunen kan etter søknad gje fritak frå å betale gebyr. Føresetnaden for fritak er at det ikkje er montert eldstad, at eldstaden ikkje kan brukast, eller at bustaden ikkje er til å bu i.

Feiarvesenet kan føre tilsyn med at fyringsanlegget ikkje kan brukast. Tilfredsstillande sikring mot dette vil normalt vere at eldstaden og skorsteinen er fysisk skilt frå kvarandre og hol i skorsteinen er forsvarleg mura igjen. Alternativt kan eldstaden vere stengt med plombe eller segl.

Det er eigar av fyringsanlegget som har ansvaret for å melde til feiarvesenet om at fyringsanlegget ikkje er i bruk, at det er ønskje om fritak for feiing og å tilpasse fyringsanlegget slik at det ikkje kan brukast til oppvarming. Eigar har og ansvar for å gje melding til feiarvesenet når eldstaden skal takast i bruk igjen.

Kommunestyret kan fastsette eit straffegebyr, eventuelt krevje feie- og tilsynsgebyr etterbetalt frå det tidspunktet fritak blei innvilga dersom huseigar tek fyringsanlegget i bruk att men ikkje melder ifrå om tilkopling/installasjon av eldstad/fyringsanlegg, eller fjerning av blending.

§ 7.Andre tenester

Eigar av fyringsanlegg som ønskjer ekstra feiing eller tilsyn ut over det som er lovpålagd, må sjølv ta kontakt med feiarvesenet og avtale dette. Andre tenester skal fakturerast etter fastsette satsar frå Sogn brann og redning IKS.

§ 8.Handheving og sanksjonar

Lokalt tilsyn, handheving og sanksjonar skal gjennomførast i samsvar med kapittel 7 i brann- og eksplosjonsvernlova.

§ 9.Klage

Klage på vedtak gjort i medhald av denne forskrifta skal settast fram skriftleg til Sogn brann og redning IKS, for førebuing til klagehandsaming i den kommunen som gebyret er gjeve i.

Sakshandsaminga ved klager følgjer bestemmelsane gjeve i eller i medhald av brann- og eksplosjonsvernlova og lov om behandlingsmåten i forvaltningssaker (forvaltningsloven).

§ 10.Iverksetjing

Denne forskrifta vert sett i verk frå 1. januar 2021.