Om oss - Kontakt og opningstider

I Luster kommune har ein fleire SFO-tilbod for elevane i 1.-4. klasse. Desse delast inn i prosentar, og kvar prosent har ein ulik variant, vist av tabellen under:

SFO held også opent i skuleferiar med ein dagsats på kr. 300,-. 

Hugs å søke på ny plass på SFO for neste skuleår. Søk via kommunen si heimeside. Søknadsfrist for plass i SFO er 1. februar.

For dei som allereie har plass: 
Oppseiing / endring av plass i SFO må gjerast med ein månads varsel, med verknad frå den 1. kvar månad. Altså; om ein seier opp eller endrar plassen den 15. januar, vil endringa vere gyldig frå 1. mars.

Vi delar SFO i tre grupper om ettermiddagen – grøn, blå og raud. Gruppene fordeler seg over fleire område på skulen (t.d. SFO-avdeling, gymsal, delingsrom), og rullerer på område gjennom veka.

Tilsette
Vi har 12 faste tilsette i SFO, i ulike stillingar.

Kontaktinformasjon

SFO-telefonen: 90 80 92 28
Adm: 57 68 55 20

Skulen har partnarskapsavtale med Høgskulen på Vestlandet, og me er både praksisskule og lærarutdanningsskule. Avtalen byggjer på 4 kriterium:

• fagleg og pedagogisk foregangsskule
• systematiske i sin tilnærming til forskings- og utviklingsarbeid
• interessert i samarbeid om utvikling av lærarutdanninga
• kvalitet i utvikling av rettleiing i praksis

Skulen er stolte over utnemninga for å vere lærarutdanningsskule som i fyrste omgang gjeld åra 2020-2024. 

Skulen jobbar etter PALS-modellen 
PALS er ein skuleomfattende innsatsmodell. Den består av systematiske og effektive førebyggingstiltak som rettar positiv merksemd mot alle skulen sine elever. Alle tilsette legg vekt på positiv involvering og oppmuntring, og dei gir føreseielege reaksjonar på negativ åtferd. Tiltaka bidreg til å redusere talet på elevar med åtferdssproblem og fremjar god sosial og skulefagleg læring.

Hafslo barne- og ungdomsskule ynskjer eit tett samarbeid med føresette som er tufta på likeverd og respekt for kvarandre. Det er viktig at ein kommuniserer godt begge vegar. Dersom det skulle oppstå vanskar, vil tidleg og felles innsats som regel løyse problemet.

Elevane får vekeplan kvar veke via Visma Flyt Skule, og bolkplan m/bolkinfo kvar sjette veke. På desse planane vil ein i tillegg til timeplan, vekemål og lekser, også få informasjon om t.d. turar, konsertar og andre planlagde aktivitetar. Fellesskriv blir sendt heim gjennom Visma.

Når foreldra til eleven ikkje bur saman, sender me heim informasjon til den av foreldra som har det daglege ansvaret. Dersom begge ynskjer informasjon, kan dei gje melding til kontaktlærar om dette.

Føresettportalen - Visma Flyt Skule 
Luster kommune brukar Visma Flyt Skule som skuleadministrativt system. Tilsette og føresette kan logga seg inn den tilhøyrande app`en Foresatteportalen og enkelt senda meldingar mellom heim og skule/barnehage. Føresette loggar inn med ID-porten. 
 
Foreldremøte
Alle klassar har foreldremøte i byrjinga av skuleåret. Då går lærarane i klassen gjennom mellom anna felles reglar og ordensreglement, klassen sine reglar og rutinar, korleis ein arbeider med PALS i klassen, elevane sine rettar i høve til opplæringslova kap. §9A, skulen sine satsingsområde og drøftar foreldresamarbeidet i klassen. 

I løpet av mars/april er det alltid temaforeldremøte på Hafslo barne- og ungdomsskule, i samarbeid med FAU. Alle heimane får skriftleg innkalling gjennom Visma i god tid på førehand. 

17.mai-komitè
I Hafslo er det foreldra til 8.klasse som er heile bygda sin 17.maikomitè. Dei pleiar å ha sitt fyrste møte i overgangen februar/mars, og evalueringsskriv og andre aktuelle sakar frå førre år ligg tilgjengeleg på heimesida vår. Overskotet går til studieturen i 10. klasse.

Utviklingssamtalar
To gonger i året vert føresette invitert til utviklingssamtale/foreldresamtale saman med kontaktlærar. Eleven kan vere med på heile eller deler av samtalen. Ein går gjennom eleven si mappe og eleven si faglege og sosiale utvikling. Ein set i fellesskap opp mål for vidare utvikling.