Om oss - kontakt og opningstider

Medlemmer av Samarbeidsutvalet 2024/25:

• Representantar frå FAU:  Turid Rauboti og Lill Hege Stølen
• Representantar frå personalet:  Ine Midtkandal og Hege Jeanett Drevdal Tverberg
• Representant frå kommunestyret: Einar Bolstad (Vivian Kvam, vara)                                                                                                                                                                                                                       

Foreldra sitt arbeidsutval FAU 2024/2025:

• Ingrid Ødegård Bremer - leiar
• Lill Hege Stølen
• Turid Rauboti
• Kristina Hopen  

Barnehagen ynskjer eit tett samarbeid med føresette som er tufta på likeverd og respekt for kvarandre. Det er viktig at ein kommuniserer godt begge vegar. Dersom det skulle oppstå vanskar, vil tidleg og felles innsats som regel løyse problemet.

Barnehagen skal leggja til rette for foreldresamarbeidet og god dialog med foreldra mellom anna i form av jamleg utveksling av observasjonar og vurderingar knytt til det enkelte barnet si helse, trivsel, erfaringar, utvikling og læring. Barnehagen skal grunngje sine vurderingar overfor foreldra og ta omsyn til foreldra sine synspunkt.  

Føresettportalen - Visma Flyt Barnehage  
Luster kommune brukar Visma Flyt Barnehage som barnehageadministrativt system. Tilsette og føresette kan logga seg inn den tilhøyrande app’en Foresatteportalen og enkelt senda meldingar mellom heim og barnehage. Føresette loggar inn med ID-porten. 

Foreldremøte
Foreldremøte er ein viktig arena på fleire måtar: Barnehagen har høve til å informera direkte til foreldregruppa og foreldra kan verta kjende med kvarandre. På foreldremøtet kan ein også utveksla erfaringar frå barnehagekvardagen, og foreldra kan koma med sine synspunkt på aktuelle saker. Samarbeid og dialog er nøkkelord for det gode foreldremøtet. 

Foreldresamtalar
Alle foreldre har behov for informasjon om utviklinga til barnet deira og å få vita at barnet har det godt den tida det er i barnehagen. Barnehagen tilbyd difor foreldra to samtalar i løpet av barnehageåret, ein gong om hausten og ein gong om våren. Faste tema er trivsel, samhandling med andre barn og utviklinga til barnet.