SFO - skulefritidsordning

Kommunen har eit tilbod om skulefritidsordning før og etter skuletid for 1.-4. trinn og for barn med særskilte behov 1.-7. trinn.

Søknadsfrist for plass i SFO er 1. februar.

Søk SFO-plass

Skulefritidsordninga skal leggje til rette for leik, kultur- og fritidsaktivitetar med utgangspunkt i alder, funksjonsnivå og interesser hjå borna. Skulefritidsordninga skal gje borna omsorg og tilsyn.

Luster kommune eig og driv skulefritidsordningane i grunnskulane. I nokre krinsar kan SFO-tilbodet verta samordna med barnehagetilbodet. Rektor har det overordna pedagogiske og administrative ansvaret for SFO.

Foreldre/føresette må søkja om SFO-plass på den skulen eleven går på. Dersom du som forelder har spørsmål om SFO-tilbodet, ta kontakt med rektor ved skulen der barnet ditt går / skal gå.

Opningstid

Gratis kjernetid

Elevar på 1., 2. og 3. trinn har krav på 12 timar gratis SFO per veke. Kostpengar er ikkje inkludert i denne ordninga.

Det er òg gratis kjernetid i skuleferiane og på sommar-SFO. Dette er organisert som to gratis dagar per veke, jf. vedtektene for SFO i Luster kommune (PDF, 212 kB)Desse dagane må avklarast på førehand gjennom påmeldinga.

Barn med særskilde behov har rett til SFO-tilbod frå 5.–7. trinn. Dette tilbodet er gratis, men kostpengar er ikkje inkludert og må betalast utanom.

Betalingssatsar og moderasjonsordningar

Betalingssatsane for SFO vert fastsett årleg av kommunestyret i samband med årsbudsjettet.
Det vert betalt for opphald i 9,5 månader. Betalingsfrie månader er halve juni, heile juli, halve august og halve desember. Det er eigen dagsats for kommunen sitt SFO-tilbod i skuleferiar, på elevfrie / inneklemde dagar og på sommar-SFO. Dagsatsen for 2026 er kr 300 ,-.

Dersom elevar på SFO har leksehjelp er det frådrag timane med leksehjelp. I 2024 er frådraget kr 29 per time.

Ved to søsken eller fleire i SFO vert det innvilga syskenmoderasjon. Konkret vert ordninga praktisert slik at barn nr 2 får 30 % moderasjon og barn nr 3 (det eldste barnet) får 50 % moderasjon. Dersom eitt av barna har gratis SFO, vert søskenmoderasjon ikkje gjeve.

Betalingsatsar SFO

Betalingsatsar SFO
Plass	Foreldrebetaling 1. - 3. trinn	Foreldrebetaling 4. trinn
100%	1230	3070
75 %	270	2335
50%	0	1705
25%	0	915

Betalingsatsar kostpengar SFO

Betalingsatsar kostpengar SFO
Plass	Pris
75 - 100%	195
50% *	150
50% *	103

* Mattilbodet i SFO gjeld i hovudsak ettermiddagsøkter. Det varierer mellom einingane kor mange ettermiddagar som er i 50 %-tilbodet. Difor er det også variasjon i kostpris på 50 %-plass.

Sjå oversikt over gebyr og prisar.

Familiar med låg inntekt kan søkje om redusert foreldrebetaling, sjå eiga fane.

Oppseiing

Redusert foreldrebetaling SFO

Familiar med låg inntekt kan få redusert foreldrebetaling for SFO-plass. Ingen familiar skal bruke meir enn maksimalt seks prosent av inntekta si til å betale for ein SFO-plass.
Du må søke på nytt for kvart skuleår.

Søk via føresettportalen om redusert foreldrebetaling

For søknader før 1. august gjeld kommunen sitt vedtak frå 1. august og ut skuleåret. Vert det søkt etter 1. august, gjeld vedtaket frå første heile månad etter søknadstidspunktet og ut skuleåret, jf. forskrift til opplæringslova § 1B-1.

Det er nasjonalt fastsett tre moderasjonsordningar for SFO:

Redusert foreldrebetaling i SFO for hushald med elevar på 1.-4. trinn slik at utgifter til SFO per barn ikkje overstig 6 % av hushaldet si inntekt.
Gratis SFO for elevar med særskilte behov 5.-7. trinn
12 timar gratis SFO for elevar på 1.-3. trinn

Mat kjem utanom ordningane.

Moderasjonsordningar i SFO (udir.no)