Informasjon til leverandør og faktura

Luster kommune sender ut faktura via Visma Fakturadistribusjon. Alle fakturaer vert forsøkt sendt digitalt, via AvtaleGiro, eFaktura, Vipps Regning, digital postkasse eller som vedlegg i ein e-post. Om dette ikkje er mogleg vert fakturaen levert som papirfaktura i postkassa di.

Kven avgjer korleis ein faktura blir distribuert?

Kommunen som fakturautstedar kan ikkje påverke korleis kunden får fakturaen, dette styrer kunden sjølv. Fakturasystemet gjer eit oppslag mot dei ulike betalingskanalane i ei prioritert rekkefølgje, og sender fakturaen i den først prioriterte kanalen det får treff i. Rekkefølgja er:

• AvtaleGiro
  Beløpet blir trekt frå konto utan at kunden treng å gjera noko.
• eFaktura
  eFaktura er vår mest føretrekte distribusjonskanal pr. i dag, og me vil anbefale alle våre kundar å opprette eFakturaavtale i banken. eFaktura sikrar at fakturaen kjem kjapt fram, samt at den er ferdig utfylt så du slepp å taste kontonummer, KID og beløp.
• Faktura via Vipps 
  Dette føreset at du brukar Vipps, og har aktivert Vipps Regning inne i appen. Dersom fakturaen kjem på Vipps utan at du veit om at du har valt det, er det fordi du har samtykka i å motta faktura i Vipps når du har lasta ned oppdatering av appen.
• Faktura i Digipost/ eBoks
  For å motta faktura på Digipost/eBoks må du ha oppretta ein digital postkasse hjå ein av desse leverandørane. Dersom du allereie har avtale om eFaktura eller avtalegiro med kommunen vil desse verta føretrekte før Digital Postkasse.
• Faktura som vedlegg i e-post
  Ønskjer du å få fakturaen tilsendt som et PDF-vedlegg til e-post, kan du kontakta oss på tlf. 57 68 55 00 eller på epost . Då får økonomiavdelinga lagt  epostadressa di inn i fakturasystemet. Me må presisera at dersom du har andre digitale kanalar som avtalegiro, eFaktura, Vippsfaktura eller Digital postkasse, vil desse bli føretrekte framfor epost.
• Faktura levert i postkassa
  Dersom me ikkje får treff i nokon av dei digitale kanalane ovanfor, vil fakturaen bli levert i postkassa på same måte som tidlegare.

• Purring/Inkassovarsel 
  Blir utsendt 14 dagar etter forfall.
• Oppdeling av faktura 
  Ta kontakt med økonomiavdelinga tlf. 57 68 55 00

Luster kommune krev elektronisk faktura i "EHF-format" på alle typar innkjøp og bestillingar.

Når du sender faktura til kommunen, må du få med følgande informasjon på fakturaen:

• avdelingsnummer og namn på bestillar
• ansvarsnummer (Bestillar ID)  i feltet “Deres referanse"
    Bestillar-ID
• firmanamn, organisasjonsnummer, meirverdiavgiftspesifikasjon, fakturanummer, fakturadato
• forfallsdato, fakturasum, bankkonto og KID- nummer

Luster kommune sitt organisasjonsnummer er: 964 968 241.

Faktura utan korrekt referanse vert sendt i retur og ikkje handsama før referanse er påført.

Inngåande faktura som ikkje er korrekt merka, sendt i retur til leverandør. Ved feil og manglande merking, får du ein automatisk e-post frå vårt fakturasystem. Her får du ei lenke i e-posten, der du sjølv kan korrigere/legge inn fakturareferanse utan å sende kreditnota og ny faktura. 

Kan ikkje verksemda di levere ein EHF?

Send faktura på e-post til okonomi@luster.kommune.no

Kva skal til for å sende elektronisk faktura?

EHF er ei forkorting for Elektronisk Handelsformat. Ein slik faktura vert overført elektronisk frå seljar til kjøpar sitt økonomisystem.

Alver kommune nyttar Direktoratet for forvaltning og IKT (Difi) sin standard for elektronisk faktura. På denne måten blir vi meir effektive.

Her kan du lese meir om ordninga:

• EHF-standarden er forankra i Forskrift om IT-standard i offentleg forvaltning.
• Les meir om ordninga på nettsidene til Difi:  Om elektronisk faktura