§ 11 Reaksjonar ved brot på skulereglar
Ved vurdering av reaksjonar mot eleven skal det takast utgangspunkt i barnets beste. Alle reaksjonar skal vera tilpassa alvoret i saka, alderen, føresetnader, utvikling og modenheita til eleven. Det skal leggjast vekt på eleven si vilje til å retta opp følgjene av regelbrotet, og det skal vera eit forholdsmessig samsvar mellom regelbrotet og reaksjonen.
Følgjande reaksjonar kan nyttast ved brot på skulereglane:
- rettleiing av eleven, med vekt på positiv, ønska åtferd
- tilsnakk eller irettesetting frå lærar eller ein annan vaksenperson
- munnleg eller skriftleg åtvaring
- merknad
- munnleg eller skriftleg kontakt med heimen og involvering av føresett
- pålegg om oppgåver for å retta opp skade som er påført skulen sin eigedom eller eigendelar
- bortvising frå aktivitetar eller tilstellingar dersom åtferda til eleven tilseier det
- annullering av prøvar, dersom eleven vert teken i juks
Dersom ein elev alvorleg eller fleire gonger bryt skulereglane, kan det føra til desse reaksjonane:
- bortvising frå undervisninga for ei opplæringsøkt, men ikkje meir enn to klokketimar
- bortvising resten av dagen på 1.-7. trinn ved fleire eller grove brot på reglementet. Føresette skal få melding før ein elev på barneskulen vert vist bort for resten av dagen
- bortvising inntil til tre dagar på 8.-10. trinn ved fleire eller grove brot på reglementet. Føresette skal om mogleg varslast i forkant av bortvisinga.
- skulebyte mellombels eller permanent
- setja ned character i orden og åtferd. Dette må vedtakast av rektor i eit enkeltvedtak
- avbroten skuletur og attendeføring til ordinær undervisning
- rusmiddel og gjenstandar som kan skada andre eller forstyrra opplæringa kan inndragast av skulen og eventuelt overleverast til politiet
Eleven pliktar å følgja ilagte reaksjonar. Dersom eleven ikkje rettar seg etter reaksjonane, kan eleven ileggjast nye reaksjonar.