Bebygd eigedom der fulldyrka og overflatedyrka jord på eigedomen er meir enn 35 dekar, eller der eigedomen har meir enn 500 dekar produktiv skog, kan ervervast konsesjonsfritt på grunn av odelsrett eller slektskap. Konsesjonsfridomen er då på vilkår av at ervervar buset seg på landbrukseigedomen innan eit år. Dersom ervervar ikkje kan busetje seg på landbrukseigedomen, må han søkja konsesjon.