10. klasse er i Tyskland og Polen
No er reisa til 10. klasse godt i gang. Dei har hatt mange timar i buss og kryssa grensa til Polen på laurdag. Etter ein fin dag på Kiel-ferja og god stemning på bussen, venta det sterke inntrykk på søndag. Turen gjekk til Auschwitz 1 og Auschwitz 2 Birkenau med omvising i konsentrasjonsleiren. Saman med lærarar, foreldre, tanter og besteforeldre skal kull 2002 vera på reise fram til fredag. Me håpar dei har det fint saman og ser fram til fleire oppdateringar.
Måndag: Litt fritid med shopping og livet som turist i Krakow var på sin plass i dag. Deretter var det omvising i spektakulære Saltgruvene. Kvelden vart avslutta med middag og folklore!
Tysdag vart det ein lang busstur. Målet var Tropical Island med bading og middag. Så køyrde dei vidare til Berlin.
Onsdag: Rundtur i Berlin.
Torsdag: På veg mot Kiel og ferjeturen tilbake til Oslo.
Fredag ettermiddag er gjengen tilbake til Hafslo. Velkommen heim!