Bustad, natur og tilgjenge

Fleire spanande saker skal handsamast på rådhuset i veke 20, som mellom anna bustadutvikling, hekkeplass for sjøfugl på Skjeret og tilgjenge til turmål.

Markeringa av Eldredagen og tilgjenge til turmål

Måndag 12. mai er det møte i Eldrerådet og Rådet for personar med funksjonsnedsetting, begge startar kl. 09.30.
Eldrerådet skal mellom anna planleggje markeringa av Eldredagen 1. oktober 2025, med diskusjon om lokale, servering og program.
Råda får informasjon om stolpejaktlågterskelturar og tilgjenge til turmål. Det vert òg orientering om digital opplæring av Arne Midtun.

Reguleringsplan for Skjeret 

Tysdag 13. mai møtest Plan- og forvaltningsutvalet kl. 09.30. 
Ei av sakene som skal handsamast er reguleringsplan for Skjeret. Dette er eit område med viktige naturmiljø som bevaring av hekkeplass for sjøfugl, i tillegg også friområde, rasteplass, badeplass og badeområde. Planforslaget har vore ute til offentleg ettersyn og vert no klart for endeleg vedtak.

BuLust, eit nytt bustads- og tilflyttingsprosjekt 

Onsdag 14. mai samlast Formannskapet frå kl. 09.30. 
Her vert det mellom anna handsaming av prosjektet BuLust, eit nytt bustads- og tilflyttingsprosjekt for bulyst i Luster. Prosjektet er planlagt frå august 2025 og skal bidra til busetjing, sentrumsutvikling og vidareføring av tiltak som mellom anna mikrohuslandsbyen på Skjolden og bustadregulering i fleire bygder.
Du kan følgje formannskapsmøtet direkte på Kommune-TV.

Alle saksdokument er tilgjengelege her