Plan- og forvaltningsutvalet vedtek 09.06.2026 at forslaget til detaljregulering for Fortun besøkssenter og sentrumsareal - planID 2024003, vert lagt ut til høyring og offentleg ettersyn, jf. plan- og bygningslova § 5-2 og § 12-10
Føremålet med planen er å leggje til rette for etablering av eit besøkssenter, etter at Miljødirektoratet har peika ut Fortun som besøkssenter for Jotunheimen- og Breheimen nasjonalpark. Besøkssenteret vil ta i bruk fleire av bygga i sentrumsområdet. Planen skal samstundes leggje til rette for ei sentrumsutvikling i samband med det nye besøkssenteret, der rekreasjonsområde, trafikkavvikling og parkeringsløysingar er sentrale tema.
Det ligg føre to alternativ til planforslaget, som skil seg frå kvarandre når det gjeld parkeringsløysingar, rekreasjonsområde og oppstillingsplass for buss, sjå plankart alternativ 1 og alternativ 2.
Du finner saksdokumenta og kan komme med innspel her . Fristen for å komme med innspel er 08. september 2026. Spørsmål kan rettast til ansvarleg arealplanlegger Amanda Rödström, send gjerne en mail til: amanda.maria.felicia.rodstrom@luster.kommune.no, eller telefon: 57 68 57 28.
Innspel kan sendast til Luster kommune, postboks 77, 6866 Gaupne, på elektronisk høyringsskjema via heimesida eller på e-post: post@luster.kommune.no. Merk innspelet med plan-ID.