Oppsummering frå veke 5
Tida går fort, og brått er me ferdig med januar.
Som eg har skrive tidlegare, så er me inne i ein veldig god arbeidsperiode på skulen no. Mange av klassane har ein del innleveringar og prøvar desse vekene. Her er det berre å stå på, og gjere sitt beste. Ein kan då ta ein velfortent vinterferie om eit par veker.
1.klasse var tysdag på besøk til 4A for å sjå på dokketeater. 4A synte fram eit sjølvlaga skodespel om dei tre punkarane som skulle på Molden for å sjå på utsikta. I tillegg til dokketeateret framførde 4. klasse songen "Kvifor". 1.klassingane storkosa seg, og var veldig imponerte over dei flinke 4.klassingane .
5. klasse har jobba med rettskriving der målet er å kunne skilje mellom skj-lyd og kj-lyd. Mange flotte namn somn startar med kj-lyden. 6. klasse-elevane hadde sosialkveld med foreldre tysdagskvelden. Ein kjekk kveld med mange kjekke aktivitetar, der alle vart litt betre kjend med kvarandre. 7. klasse har i norsken jobba med å skrive søknad, der ein har lært seg kriteria for korleis skrive ein god søknad.
8. klasse har i matematikk desse vekene mål om å lære meri om areal og omkrins av ulike figurar, medan 9. klasse jobbar med prosent i matematikken. Viktig å kunne dette for elevane, og ein opplever at dette har ein stor nytte av å kunne.
Uteleiken i friminutta er veldig god om dagen. Det er kjekt med god plass, og mange «haugar» å leike på. Det er kjekt med vinter!
Ha ei gode helg!
Kjell