Solrik tur til Simosete
Ein morgonfrisk gjeng tok turen til Simosete og Turrli i dag. Ein veldig kjekk start på skuleåret for mellomsteget. Varmt og godt var det også.
Elevane skravla og gjekk i kvar sitt tempo opp til Simosete. Me hadde god tid og alle fekk ein lang lunsj. Nokre tok turen vidare til Turrli, medan andre vart igjen på Simosete og leika blant anna "Boksen går". Me såg sauer, kyr, orm og frosk på vegen. Me skreiv oss i boka og gjekk ned igjen Svinakleiv. Litt klatring og hopping måtte til, men det gjekk kjempefint. Takk for turen, alle saman.