Arbeidsvilkår

Arbeidsstad, arbeidstid og pause

Arbeidsstad står i tittelen på din arbeidsavtale. 

Det er ulike arbeidstidsordningar i ulike einingar.

Prøvetid

For nye faste tilsetjingar i Luster kommune gjeld ei prøvetid på 6 månader i samsvar med arbeidsmiljølova § 15-6. For oppseiing i prøvetida gjeld ein frist på 14 dagar. Ved fråvær kan prøvetida bli forlenga, og arbeidstakar skal ha skriftleg melding om prøvetida blir forlenga. 

Endring av arbeidsstad/arbeidsoppgåver

Luster kommune kan endre arbeidstakars plassering i organisasjonen, arbeidsoppgåver og arbeidsstad innanfor rammer av gjeldande lover og avtalar.

Oppseiing og opphøyr av arbeidsforhold

Etter at prøvetida er omme gjeld gjensidig oppseiingsfrist på 3 månader. Alle fristar blir rekna frå dato til dato.
Ved opphøyr av tilsetjingsforholdet skal det gjennomførast eit drøftingsmøte, og den tilsette skal få førehandsvarsel og skriftleg grunngjeving for avgjerda. Ved oppseiing på grunn av alder gjeld eigne reglar. 

Løn og tillegg

Løn etter tariff i kapittel 4 - tariff finn du i gjeldande Hovudtariffavtale

Løn etter avtale i kapittel 3 og 5

(Kapittel 3, 4 og 5 i Hovudtariffavtalen er ulike grupper av kommunetilsette som har forskjellige reglar for korleis løna deira blir fastsett og forhandla.)

Satsane for tillegg finn du i gjeldande Hovudtariffavtale

Lokale tillegg

Kontaktlærartillegg - 

Pedagogisk leiartillegg - 

Lærlinginstruktør - 

Overtid, forskyvd, meirarbeid og kostgodtgjersle

Du har rett til godtgjersle for overtid, ubekvem og forskyvd arbeidstid i samsvar med arbeidsmiljølova §§ 10-6 og 10-10, samt gjeldande tariffavtale for kommunal sektor - § 6.
Kostgodtgjersle får du etter dei til ei kvar tid gjeldande satsar i SGS 1001 Reiseregulativet.
 

Utbetaling

Løningsdag er den 12. i kvar månad. Du har plikt til å kontrollere lønsslipp, og gi beskjed om eventuelle feil. Blir det utbetalt feil løn, vil for mykje utbetalt bli kravd tilbake etter avtale med deg. Ved for lite utbetalt løn vert dette utbetalt neste månadsløn. 

Attestar

Tilsette innan helse og omsorg eller oppvekst, må syne leiar lovpålagde attestar før arbeidet tek til.

Eigenerklæring for tuberkulose og MRSA

Politiattest (Du må leggje ved stadfesting frå Luster kommune i søknaden, denne får du av din leiar)

Ansiennitet

Ynskjer du å søkja om ny fastsetjing av ansiennitet finn du søknadsskjema på heimesida til Luster kommune, under For Tilsette. Attestar må leggjast ved søknaden.

Gjeldande lov og avtaleverk
Tilsetjinga vert regulert av Hovudavtalen, Hovudtariffavtalen og sentrale tariffavtalar som er inngått i den kommunale sektor, og av lokale avtalar med heimel i Hovudtariffavtalen og tilsetjings-/personalreglementet for Luster kommune.

Kompetanseutvikling

Tilsette kan få kompetanseutvikling som arbeidsgjevar treng og tilbyr. Må vera avklara med arbeidsgjevar på førehand.

Sosial tryggleik og forsikring

Luster kommune føl gjeldande Hovudtariffavtale om ytingar i samband med sjukdom, svangerskap, fødsel, adopsjon, dødsfall/gruppeliv, yrkesskade/yrkessjukdom og SGS 2020 Pensjonsordningar.
Personalforsikringsordninga omfattar forsikring for yrkesskade og gruppeliv for alle tilsette.
Luster kommune har i 2026 avtale med KLP for gruppeliv og Gjensidige for yrkesskade.
 

Pensjon

Vilkår for pensjon som gjeld alle tilsette er nedfelt i hovudtariffavtalen. For tida gjeld følgande: Tilsette blir meldt inn i offentleg tenestepensjonsordning med trekk av 2% pensjonspremie i brutto løn. For sjukepleiarar og undervisningspersonale gjeld ei nedre innmeldingsgrense på 20% stilling.

Bil

Tilsette nyttar eigen bil i tenesta når dette er naudsynt.

Innsyn i personopplysningar

Du har rett til innsyn i dine registrerte personopplysningar etter gjeldande lovgjeving.

Teieplikt

Alle som utfører teneste eller arbeid for Luster kommune har teieplikt jf. Forvaltningslova § 13. 
Alle som utfører teneste innan helse og omsorg har og teieplikt etter helse- og omsorgstenestelova.
Alle som arbeidar innan helse har og teieplikt etter helsepersonellova § 21-29.