Omsorgstenester

Heimesjukepleie blir tildelt dei som treng bistand i eigen heim grunna akutt eller kronisk sjukdom, kognitiv svikt og / eller funksjonsnedsetting. 

Tenesta skal ikkje overta funksjonar som tenestemottakar sjølv kan utføra, men bidra til å oppretthalda og betra tenestemottakar sitt funksjonsnivå slik at vedkommande kan bu heime lengst mogleg.

For å få heimesjukepleie må ein bu eller opphalda seg i kommunen. Tenesta er gratis.

Luster kommune har omsorgssbustader på Hafslo, Gaupne og Luster omsorgssenter, samt Grandmo miljøteneste i Gaupne.

Hafslo omsorgssenter har 16 omsorgsbustader
Gaupne omsorgssenter har 27 omsorgsbustader
Grandmo miljøteneste har 12 omsorgsbustader
Luster omsorgssenter har 18 omsorgsbustader
Tvingeborgneset har 5 omsorgsbustader

Omsorgsbustad er ein tilrettelagt bustad for personar som har ein helsesvikt, og / eller har ein psykisk / fysisk funksjonsnedsetting, og der eigen bustad er lite funksjonell.

Målet for heimehjelpstenesta er å gi innbyggjarar i Luster kommune med særleg hjelpebehov praktisk hjelp/opplæring til sjølvhjelp.

Tenesta er ei betalingsteneste.

Gaupne og Hafslo omsorgssenter har omsorgsplassar med heildøgns tenester.

På Hafslo vert det gjeve omsorgsplass til personar med kognitiv svikt.

Omsorgsplass vert tildelt personar med varig funksjonssvikt og omfattande behov for heildøgns helse og omsorgsstenester, og vert vurdert med utgangpunkt i kartlegging av funksjonsnivå.

Tenesta kan omfatte bistand, tilrettelegging og rettleiing i dagleglivets praktiske gjeremål, eigenomsorg og personleg stell. Tildeling blir vurdert ut frå den einskilde sine ressursar og funksjonsevne og skal bidra til at den einskilde kan bu heime lengst mogeleg.

For praktisk bistand-opplæring er føremålet å bidra til å gjere den einskilde mest mogeleg sjølvhjulpen i dagleglivet. Vedtak om opplæring skal tidsavgrensast ut i frå ei individuell vurdering og evaluerast.

Luster omsorgssenter har plassar for langtidsopphald.

Langtidsopphald vert vurdert når 

• alle aktuelle hjelpetiltak allereie er utprøvd eller vurdert. 
• behovet for medisinsk behandling og pleie tilseier heildøgns omsorg og pleie i sjukeheim.
   

Betaling etter reglane etter langtidsopphald i institusjon.

Tryggleiksalarm inneheld ein basestasjon og ein smykkesendar. Ved behov for assistanse kan ein trykke på smykke og det blir automatisk oppringt til døgnbemanna responssenter. 

Tenesta vert gjeve i private heimar og omsorgsbustader. Dette er i utgangspunktet eit servicetilbod og er ei betalingsteneste. Tryggleiksalarmen er tilknytta mobilnettverket og er kobla opp til Alarmsentralen IKS. Ved utløysing av alarm tek alarmsentralen direkte kontakt med deg, eventuelt vert alarmen vidarevarsla til den som står først på kontaktlista. Det kan vera pårørande, nabo eller heimetenesta.

Dersom tryggleiksarlarm vert tildelt som serviceteneste er det ei betalingsteneste, om det er tildelt som nødvendig helsehjelp er det ei gratis teneste.

Fritidskontakt er eit tilbod til born, unge og vaksne med psykiske eller fysiske funksjonshemmingar.

Kontakten si viktigaste oppgåve er å hjelpe den enkelte til ei meiningsfull fritid, og kan innebere sosialt samver, aktivisering, fysisk aktivitet og følgje til ulike fritidsaktivitetar.

Tenesta er gratis.
Fritidskontakt kan bli tildelt i grupper eller individuelt.

Heimebesøk eller anna kartlegging vert avtala etter motteken søknad.

Leiar for pleie og omsorg har vedtaksmynde.

Korttidsopphald vert gjeve som:

Utredning / behandling

Dette er ei teneste som vert ytt til personar som har funksjonstap, og der ein treng å kartlegge personen sitt funksjonsnivå for å vurdere evt behov for kommunale tenester. Tenesta kan og bli gitt som vidarebehandling etter sjukehusopphald.

Betaling etter nasjonale satsar.

Rehabilitering

Dette er ei teneste som vert ytt for å trene opp att fysiske, psykiske eller sosiale funksjoner, og/eller utvikle, oppnå nye ferdigheitar eller andre/ nye strategiar for meistring. Tenesta vert ofte tilbydd i etterkant av sjukehusinnlegging.

Betaling etter nasjonale satsar.

Øyeblikkeleg -  hjelp opphald

Gjeld døgnopphald for pasientar og brukarar som har behov for øyeblikkeleg hjelp, der kommunen sjølv har høve til å gje behandling, observere og yte omsorg til den det gjeld.  Tenesta kan bli gitt inntil 72 timar.

Vederlagsfri teneste.

Avlasting

Avlastning er eit tilbod til personar med store omsorgsoppgåver. Avlastning vert tildelt på grunnlag av individuell vurdering. Avlastningstiltak skal hindre overbelastning, gi omsorgsytar nødvendig fritid og ferie og muligheit til å delta i vanlege samfunnsaktivitetar. Vederlagsfri teneste

Dag / nattopphald

Dag eller nattopphald i institusjon er ei teneste til heimebuande, oftast eldre personar som har eit omfattande hjelpebehov som ikkje kan oppfyllast i eigen heim.

Betaling etter nasjonale satsar.


Informasjon om betaling for tidsavgrensa opphald på korttidsavdelinga (KA) i Gaupne:

Har pasienten hatt meir enn 60 døgn tidsavgrensa opphald i løpet av eit kalendarår, kan kommunen krevje betaling etter reglane for langtidsopphald i institusjon, jf. Helse- og omsorgstjenesteloven § 11-2 og Forskrift om egenandel for kommunale helse- og omsorgstjenester §§ 3 og 6.

 Betalinga er individuelt basert på netto inntekt (pensjon, renter og aksjeutbytte m.m. minus skatt og gjeldsrenter). Formue er ikkje med i utrekninga, men avkastning er med. Pasienten skal ha att minst 25% av 1 G (grunnbeløpet i Folketrygda) til eige bruk.

Parkeringskort, løyve til å nytta reserverte p-plassar for menneske med nedsett funksjonsevne:

Personar som på grunn av manglande evne til å ta seg fram og tilbake til parkeringsplass, kan søkja om parkeringsløyve.
Det må vera medisinske årsaker som er grunnlag for rett til parkeringsløyve. 

Søknaden blir handsama i vedtaksmøte/hjå Tenestekontor. 

Har du spørsmål til tenesta kan du kontakte konsulent, tlf. 57 68 57 15.

Søk elektronisk om parkeringskort eller last ned papirskjema her (PDF, 2 MB)

Utfylt papirsøknadsskjema, legeattest og to passbilete skal sendast til Luster kommune, tenestekontor, postboks 104, 6866 Gaupne.

Det er avgiftsfri parkering på alle offentlege parkeringsplassar i Luster kommune.

Personar som har ei funksjonsnedsetting som vil vara minst 2 – 3 år kan søkja om følgjekort.  Følgjekortet skal gje søkjar sitt følgje fritt tilgjenge til offentlege kultur- og fritidsarrangement og offentlege transportmiddel som søkjar ikkje kunne ha delteke i eller nytta, utan følgje.

Følgjekort (ledsagarbevis) er eit kort/bevis med bilete og namn på innehavaren. Ordninga er landsdekkjande og kan nyttast over kommune- og fylkesgrensene. Du må sjølv undersøkje om ledsagarbevis blir godteke på arrangementet du vil delta på.

Søk om følgjekort (ledsagerbevis) - Digitalt

Søk om følgjekort (ledsagerbevis) - papir (PDF, 115 kB)

Fyllast ut av lege - legeattest for følgjekort (ledsagerbevis) (PDF, 165 kB) (PDF, 165 kB)

Tenesta kan ytast til innbyggjarar som på grunn av helsesvikt, funksjonsnedsetting eller andre årsaker treng hjelp til å oppretthalde eit tilfredsstillande kosthald.

Avlasting er eit førebyggjande tiltak til omsorgspersonar som yter omsorg for barn, unge eller vaksne med nedsett funksjonsevne. Formålet med tenesta er at omsorgsyter skal få avlasting frå sine daglege omsorgsoppgåver. Avlastingstiltak skal hindre overbelasting, gi omsorgsytar nødvendig fritid og ferie og moglegheit til å delta i vanlege samfunnsaktivitetar.

Avlasting vert tildelt på grunnlag av individuell vurdering og blir gjeve ut i frå ulike behov og organiserast på ulik måte. Tenesta kan gjevast i eller utanfor heimen og skal gje eit forsvarleg tenestetilbod for omsorgsmottakaren.

Både familiemedlemmar eller andre omsorgsytarar kan søkje.

Søknaden må vera Luster kommune i hende innan 6 veker før avlastinga skal finna stad.

• BPA er ein alternativ måte å organisera praktisk bistand og opplæring på for personar med nedsatt funksjonsevne som har behov for bistand i dagleglivet, både i og utanfor heimen. Til dømes: hushaldningsoppgåver, direkte personleg hjelp med påkledning, hygiene, mat m.v.
• BPA skal gje personar større moglegheit til å styra tenestene og kvardagen sjølv.
• BPA er retta mot personar med omfattande tenestebehov.
• Tenesta skal vera ein del av dei samla kommunale tenestene og knytast til personen, ikkje til bustaden. Luster kommune eller søkjar kan stå som arbeidsgjevar.

Omsorgsstønad skal gje kompensasjon til personar som utfører særleg tyngjande omsorgsoppgåver. Omgrepet «særleg tyngjande» inneber at oppgåvene må vare ei viss tid og ha eit omfattande omfang.

Både omsorgsytaren og den hjelpetrengande sjølv kan søkje om omsorgsstønad, men stønaden blir gitt til den som har omsorgsarbeidet.