Tur for mellomsteget tysdag 18.08.
No gler me oss til å sjå alle elevane, og til å kome i gang med nytt og spanande skuleår. Me tek som vanleg ein felles fjelltur på mellomsteget rett etter skulestart, og i år går turen til Simosete og Turli allereie tysdag 18. august.
Alle møter utanfor skulen (mellom skulen og parkeringsplassen ved barnehagen) klokka halv ni, og me syklar saman ut til Soget. Herifrå går turen opp til Simosete, og gjerne vidare til Turli. Alle elevane må ha gode sko å gå i og kle seg etter veret, i tillegg må alle ha med seg sykkel og hjelm på skulen. Hugs matpakke og godt med drikke. Me kjem attende til skulen til skuleslutt kl.14.25.
Dette blir kjekt!
