I samsvar med §§ 12-1, 12-2, 12-3, 12-8 og 12-14 i plan- og bygningslova vert det varsla om privat planinitiativ til endring av reguleringsplan Fonndøla-Hausamoen.
Planområdet til Fonndøla-Hausamoen ligg i Jostedalen, vel 4 km nordvest for Gaupne og er på omlag 333 daa.
Arealet som endringa legg til rette for ligg søraust i planområdet ved felt SPA (1,3 daa) og BN2 (12 daa), og utgjer delar av eigedom gbnr. 88/2. Heile planområdet femnar om eigedomane gbnr. 0/0, 88/2, 88/3, 88/4, 88/5, 88/7, 88/7/1, 88/30, 88/31, 88/140, 88/141, 88/145 og 88/203.
Norconsult Norge AS er engasjert av Bluefjords AS til å utarbeide forslag til endring av gjeldande reguleringsplan for Fonndøla-Hausamoen. Planarbeidet har som mål å leggje til rette for etablering av eit nytt datasenter, samt kontor- og lagerbygg i den sørlege delen av planområdet.  Førebels skisse av datasenteret.
Norconsult
Endringa omfattar mellom anna omdisponering av felt SPA (parkering) til kontor- og lagerføremål, samt etablering av nytt formål for datasenter som erstattar felt BN2 (næring). Det skal i tillegg leggjast til rette for etablering av ei gangbru over Fonndøla for å sikre trygg ferdsel for mjuke trafikantar mellom kontorbygget og datasenteret. Endringa skal også søke å utvide areal ovanfor felt BI2 for å sikre naudsynt sikringsareal. Som del av planarbeidet skal det gjennomførast avklaringar knytt til naturfare. Planen skal dokumentere at løysingane kan gjennomførast, og at tema som trafikk, flaum og geoteknikk er tilstrekkeleg utgreidd. Innspel til varsel om oppstart av planarbeidet kan sendast til asmund.veigel.gaukstad@norconsult.com, innan 03. juli 2026. |
Planinitiativ - Norconsult (PDF, 2 MB)
Plankart (PDF, 2 MB)
Handsaming av planinitiativ, plan- og forvaltningsutvalet (PDF, 126 kB)