Bygdeboka er klar!

Siste bygdeboka er no endeleg komen til Gaupne og er til sals. Denne boka omhandlar gardane Kroken ytre, Urnes, Dalen (Kinsedal) og Åsen.

Bygdeboka kan kjøpast hos Lika på Pyramiden senter frå fredag 19. desember.
Dei har desse opningstidene denne helga:
Fredag 19. desember - 10-17
Laurdag 20. desember - 10-16
Søndag 21. desember 14-18

Rådhuset har reduserte opningstider i jula, og opnar for sal av bygdebøker frå 5. januar.
Du kan likevel bestille allereie no via bestillingsskjemaet. Me gjer då klart for henting eller sending, fortløpande frå 5. januar.

Prisen er 750 kr. Om du skal ha den tilsendt kjem porto i tillegg.

Boka er også til utlån hos Luster bibliotek.

Fullstendig oversikt over publikasjonar og bestillingsskjema finn du her

Kven trur du at du er? Kanskje har du også røter frå Kroken, Ornes eller Kinsedal …

Ingen såg føre seg at denne produksjonen ville ta over førti år å ferdigstille…

Bind nr 1: Fortun sokn kom for sal i 1984 og sette på mange måtar ein standard for korleis dette bygdebokverket omtala både personsoga, men også dei matrikulerte gardane, buplassane og (husmanns)-plassane. Tilsaman har me produsert om lag 11 380 boksider.

Luster kommune har over tid satsa stort på bygging av identitet og kunnskap om vår felles historie. Dette gjeld både lokalhistorie generelt, men også den sokalla gards- og ættesoga.

I serien Gards- og ættesoge for Luster er band nr. 12, Solvorn 2 for sal. Denne boka omhandlar gardane Kroken ytre, Urnes, Dalen (Kinsedal) og Åsen.

Lokalhistorisk litteratur er populært og sel som aldri før. I Luster sine lokalhistoriske årbøker frå nr. 1-7 finn du mellom anna historia til industrianlegget i Kinsedal, bakgrunnen for og historia til Harastølen – Luster Sanatorium, om Munthehuset i Kroken og historia om «Krokaskulen» - pionérskulen for jenter som starta i Holmedal og som vart til Luster vidaregåande skule. Sist men ikkje minst om middelalderætter i indre Sogn. DVD-en om skimisjonæren Henrik Angell kan du òg få kjøpt herifrå.

Frå venstre: Erling Bjørnetun, Leif Hamaren, Svein Solheim, Magnar Høyum og Per Jørgen Loen Ørjan Talle