I samband med at viltressurslova vart sett i kraft 1.juli, blei det innført av forbod mot restlysforsterkande og termiske siktemiddel. Kommunen har høve til å opne for bruk på hjortejakt ved lokal forskrift om visse kriteria er tilstades. I den forbindelse er Luster kommune i gang med ein prosess for å vurdere behovet for restlysforsterkande og termiske siktemiddel. Inntil ei eventuell lokal forskrift blir innført vil bruk av restlysforsterkande og termisk siktemiddel vera forbode i Luster kommune.
Etter § 29a i forskrift om «utøvelse av jakt, felling og fangst» kan synleg lys nyttast ved den umiddelbare undersøking av og rundt skotstad. Det kan også nyttast synleg lys og restlysforsterkande og termisk siktemiddel ved ettersøk av påskutt hjortevilt. Jegeren har bevisbyrde for at påskyting er lovleg, og skal varsle grunneigar, politi og kommune om dette.
Synleg lys restlysforsterkande og termiske siktemiddel kan også nyttast ved jakt på villsvin og raudrev når jakta føregår i opent terreng eller ved åteplass.
Lov om jakt, fangst og felling av vilt mv. (viltressursloven) - Kapittel 7 Hjortevilt og bever - Lovdata
Forskrift om utøvelse av jakt, felling og fangst - Lovdata