Lokal forskrift om opningstider, sals- og skjenketider i Luster kommune vert no lagt ut på offentleg høyring med høyringsfrist 5. mars 2026.
Bakgrunn:
Luster kommune har i dag ei forskrift for opningstider for serveringsstader og ei forskrift om sals- og skjenketider for alkohol:
Les gjeldande forskrift
Kommunestyret bestemte i k-sak 36/24 i møte den 23. mai 2024 at det skulle lagast ei felles forskrift om opnings- og skjenketider for serveringsstader og for sals- og utleveringstider for sal av alkoholhaldig drikk i Luster kommune.
Denne høyringa er ei oppfølging av dette kommunestyrevedtaket.
Innhald:
Framlegget til felles forskrift tek også opp i seg vedtak frå same kommunestyremøte om at dagen før 17. mai vert salstida for alkohol avgrensa til kl. 18.00, lik opningstida for dagar før søndagar og heilagdagar. Elles er det ei endring frå noverande forskrift i at «Kommunen får fullmakt til å tillate felles skjenketid ute og inne ved dei skjenkestader det ligg til rette for det.». I noverande forskrift står det at «Formannskapet får fullmakt til å tillate felles skjenketid ute og inne ved dei skjenkestader det ligg til rette for det.»
Høyringsfrist torsdag 5. mars 2026
Høyringssvar og innspel vert rekna som offentleg informasjon, og vil verta publiserte som del av sakshandsaminga. Legg difor ikkje inn personsensitive opplysningar i høyringssvaret.
Send innspel til høyring