Vaksenopplæringa startar ein ny runde med Sognamaol frå 2. november. Kurset er retta mot innvandrarar som ønskjer å utvikle norskferdigheitene og kome nærare arbeidslivet.
Sognamaol – med dreisen på norsk spraok og lokal nettverksbygging
Luster vaksenopplæring startar 2.november opp ein ny runde med norskkurs retta mot innvandrarar i kommunen som ønskjer å utvikle norskferdigheitene sine og kome nærare arbeidslivet. Kurset er finansiert med tilskot frå IMDi og er ope for deltakarar utan rett på gratis norskopplæring.
Kven kan delta?
Kurset er særleg retta mot:
- Vaksne innvandrarar generelt
- Arbeidsinnvandrarar
- Flyktningar utan rettar til gratis opplæring i norsk
- Personar som har behov for norskopplæring for å styrkje moglegheitene sine i det norske arbeidslivet, og som er i ein alder der deltaking i arbeidslivet er aktuelt.
- Det vert gjort individuelle vurderingar på kven som er aktuelle for kursdeltaking ut i frå kartlegging
Mål for kurset
Målet er å styrke norskkompetansen slik at deltakarane blir betre rusta til å delta i norsk arbeidsliv. Kurset har som ambisjon at deltakarane skal utvikle seg mot B1-nivå i alle ferdigheiter, og at fleire kan gå vidare til ordinært arbeid, praksis, eller inkluderingsstillingar.
Kurset vil bestå av
- opplæring i norsk på grupper etter nivå
- jobbsøkjarkurs
- bedriftsbesøk
- tilgang til digitale språklæringsressursar
- moglegheit for arbeidspraksis med tett oppfølging
Slik er kurset organisert
Kvart kurs varer i 10-12 veker, og veka er bygd opp slik:
- Tre dagar norskopplæring i nivådelte grupper
- Éin dag med arbeidsretta aktivitetar, leia av NAV og flyktningtenesta (CV, jobbsøknader, intervjuøving, digitale løysingar, økonomiopplæring m.m.), med moglegheit for morsmålsstøtte
- Éin dag praksis eller digitalt sjølvstudie etter kartlegging av interesser og behov
Tett oppfølging og individuell tilpassing
Alle deltakarar vert kartlagde før oppstart for å sikre rett nivå og realistiske mål.
Opplæringa blir variert, praktisk og tilpassa progresjonen til kvar enkelt. Dei som er i praksis får tett oppfølging både på arbeidsplassen og på skulen.
Vil du vite meir?
For meir informasjon om kurset, ta kontakt med:
Linda Kristin Brunborg, rektor ved Luster vaksenopplæring
linda.kristin.brunborg@luster.kommune.no
tlf: 474 47 113