Hafslo og Hafslovatnet
Ørjan Talle
Fleire melder om svømmekløe etter bading i Hafslovatnet. Kommunen tilrår at alle som likevel badar i vatnet, dusjar grundig rett etterpå for å redusere risikoen for hudreaksjonar. Svømmekløe, også kalla cercariedermatitt, skuldast ein ufarlig parasitt som finst i enkelte ferskvatn. Parasitten kan gi kløande utslett hjå menneske, men tilstanden er ikkje farleg og går vanlegvis over av seg sjølv etter nokre dagar.
For å redusere risikoen for svømmekløe vert det tilrådd:
- Unngå bading nært siv og grunt, varmt vatn.
- Tørk deg godt med handkle etter bading.
- Dusj så snart som mogleg etter opphald i vatnet.
Meir informasjon om svømmekløe og korleis du kan verne deg, finn du hos Folkehelseinstituttet:
https://www.fhi.no/sm/badevann/svommekloe/
Det blir ikkje tatt prøver av Hafslovatnet då dette ikkje er kommunal badeplass. Luster kommune tar badeplassprøver av Lustrafjorden og informerer om prøveresultata på heimesida.