Vestland fylkeskommune har lagt ut reguleringsplan for fv. 55 Høyheimsvik-Nes til 1. gongs høyring. Høyringsfrist er 13. april 2026.
I samsvar med plan- og bygningslova §12-10 og §3-7 vert framlegg til detaljregulering for fv. 55 Høyheimsvik-Nes lagt ut til offentleg ettersyn.
Bakgrunn for reguleringsplanen er behov for å utbetre fylkesvegen, då eksisterande veg har dårleg standard og det er store utfordringar med framkomme.
Plandokument
Planframlegget inneheld planomtale, reguleringsføresegner, plankart og ulike vedlegg. Plankart og føresegner vil vere juridisk bindande, medan andre dokument og vedlegg er av opplysande art.
Plandokumenta og anna informasjon kan du finne på prosjektet si nettside;
https://www.vestlandfylke.no/fylkesveg/fylkesvegprosjekt-i-vestland_ny/fv.-55-nes---hoyheim
Har du innspel?
Det er høve til å kome med innspel og merknader til planframlegget. Alle merknadar vil bli vurdert og kommentert i saksframstillinga til politisk handsaming.
Høyringsperioden er 02.03.2026– 13.04.2026.
Innspel skal sendast skriftleg anten med vanleg post til Vestland fylkeskommune, Askedalen 2, 6863 Leikanger
eller via eDialog; eDialog - send post på ein sikker måte - Vestland fylkeskommune
eller med e-post til post@vlfk.no
seinast 13. april 2026.
Alle innsendingar må markerast med «2022/80118 Fv. 55 Høyheimsvik- Nes»
Ope møte
I høyringsperioden vil det bli arrangert ope møte der informasjon om planforslaget vert lagt fram og det vil verte rom for å stille spørsmål. Møtet vil finne stad på Rådhuset i Gaupne torsdag 12. mars kl 1800.
Kontakt
Kontaktperson i Vestland fylkeskommune;
Planleggingsleiar Otto Eikeset
tlf. 911 43 676
e‐post: otto.eikeset@vlfk.no