Med heimel i plan- og bygningsloven § 12-8 blir det med dette varsla om oppstart av arbeid med detaljreguleringsplan Hafslo sentrum.
Bakgrunn for planarbeidet er at Luster kommune og Sterri Eigedom AS, som eig Spar Hafslo-bygget, sit på det aller meste av arealet der det vert opna for sentrumsutvikling. Dette gjev mulegheit til å tenke utvikling uavhengig av eigedomsgrenser, og ein kan optimalisere utvikling av næring- og leilegheitsareal. Utgangspunktet er at JH Sterri Eftf AS (drivar av Spar Hafslo) og Sterri Eigedom vurderer bygging av ny butikk i planområdet, utan at eksisterande butikk treng å stenge. Dette opnar for andre løysingar aust i planområdet.
Vedlegg til saken:
Varsle om oppstart av planarbeidet (PDF, 2 MB)
Detaljreguleringsplan Hafslo sentrum nord (PDF, 337 kB)
Eventuelle merknadar til oppstartsvarselet kan sendast på epost til post@luster.kommune.no eller pr post til Luster kommune, Postboks 77, 6866 Gaupne innan måndag 24. august.
Spørsmål kan rettast til plansjef Knut Vidar Svanheld på telefon 418 58 780.