Folkehelse i Luster kommune

Aktiv alderdom - Fjellet  

Stor interesse for digital opplæring

Luster kommune, i samarbeid med Luster Pensjonistforening og Luster bibliotek, har gjennomført tre av totalt fem vellukka kursdagar med digital opplæring på Gaupne ungdomsklubb. Tiltaket har hatt som mål å styrke den digitale kompetansen blant innbyggjarar – eit område som stadig blir viktigare i ein digital kvardag. 

Arne Midtun frå Pensjonistforbundet Luster og Ragnhild Mølnvik frå Luster kommune, innleia kurset med informasjon og agenda.

Stort oppmøte – og stor læringsvilje

Interessa for kurset har vore overraskande stor, og deltakinga viser at det er eit reelt behov for slike tilbod i kommunen. Kurset vart for fullteikna med borti 20 deltakarar.

Ragnhild Mølnvik forklarar litt kring Digipost Ørjan Talle

Praktisk opplæring i det digitale kvardagslivet

På kurset får deltakarane opplæring i grunnleggande digitale ferdigheiter, som mellom anna:

• bruk av smarttelefon, nettbrett og PC
• korleis ein lastar ned, oppdaterer og brukar ulike appar
• tryggleik på nett og gode digitale vanar
• korleis ein brukar Digipost
• innlogging og navigasjon på Helsenorge
• korleis ein kommuniserer trygt via meldingstenester og e-post

Det har òg vore rom for individuelle spørsmål og rettleiing, slik at alle kunne få hjelp til akkurat det dei lurte på.

Det er att to kursdagar i 2025. På desse dagane blir agendaen sosiale medium som FB, Snapchat og Instagram og fokus på bruk av datamaskiner, spesielt epost og korleis ein lastar opp vedlegg. 

Eit viktig samarbeid

Digital opplæring er eit samarbeid mellom Luster kommune, Luster Pensjonistforening og Luster bibliotek. Samarbeidet gjer det mogleg å tilby eit breitt og inkluderande opplegg, der frivillige og fagpersonar jobbar saman for å gi deltakarane best mogleg støtte.

Digital opplæring Gaupne Ørjan Talle

Flexid er eit kurstilbod for ungdom med krysskulturell bakgrunn frå 14 år og oppover. Kurset handlar om at ungdommane skal bli betre kjend med eiga identitet, tryggare på kven dei er og kva bakgrunn dei har – slik at dei kan lære å sjå seg sjølv som ein ressurs og brubyggar i samfunnet.

Flexid-kurs og mentorordning

FriMoro arrangerast i sommarferien, haustferien og vinterferien og er eit arrangement i regi av Luster Kommune i samarbeid med lokale lag og organisasjonar som Luster frivilligsentral, Gaupne helselag, Lions Club Luster, DNT Ung, Røde kors, Luster Danseverkstad, politi, skulehelsetenesta, psykisk helseteneste, Frisklivssentralen, flyktningtenesta og frivillige ungdommar.

Frå 2021 har det vore arrangert ferieaktivitetar i haust- og vinterferie. Det er då tilbod for både 4.-7. trinn og 8.-10. trinn. Eksempel på tidlegare aktivitetar er skidag, sykkeldag, aktivitetsdag i idrettshallen og Lustrabadet, LAN og klatring.

Løpande informasjon vert lagt ut på facebook sida til FriMoro.

Oversikt over gratis sommarferieaktivitet til barn og ungdom i Luster kommune

Påmeldinga startar 27. mai og avsluttar 10. juni.
 

Merk at Friluftsskulane har eiga påmelding, meir informasjon kjem frå Sogn Friluftsråd.

Frisklivsentralen er eit samarbeid mellom Luster og Sogndal kommune.

Målgruppe: lågterskeltilbod for alle. Du treng ikkje henvisning, men kan ta kontakt med oss, eller du kan be behandler, lege eller rådgjevar ved NAV om å ta kontakt med oss.

Kva; Frisklivssentralen Sogn er ei interkommunal helsefremjande og førebyggande helseteneste for Luster og Sogndal kommune. Helserådgjevar ved Frisklivssentralen Sogn gir strukturert, tilpassa og tidsavgrensa oppfølging basert på individuell rettleiing og gruppebaserte tilbod. Dette kan vera innanfor tema som kosthald, trening, søvn osv, alt etter behovet. Frisklivssentralen har aktivitetar som er opne for alle som gåturar eller trening i basseng.

Informasjon om frisklivsentralen, kontaktinformasjon og kontordagar i Luster

Aktivitetsoversikt i Luster

Om Friskus

Du og eg har ansvar for eiga helse. Kommunen har ansvar for å legge til rette for dei gode vala, både direkte og indirekte. Kommunen skal bruke alle sine sektorar i dette arbeidet.

Det overordna målet for folkehelsearbeid er fleire leveår med god helse, og å redusere sosiale forskjellar. Ei sunn og frisk befolkning er kommunen sin viktigaste kapital.

Folkehelsearbeid i Luster

Kommunen skal ha oversikt over helsetilstanden i befolkninga og faktorar som kan påverke innbyggarane si helse. Folkehelseoversikta er eit viktig kunnskapsgrunnlag som blir lagt til grunn både for kommunalt planarbeid og for konkrete tiltak som blir sett i verk.

Folkehelseoversikt 2024 -2028, Luster kommune

Folkehelseoversikt 2020–2023, Luster kommune

Folkehelseprofil 2025 (PDF, 3 MB) 

Oppvekstprofil 2025 (PDF, 2 MB)

Juleglede

Kvifor er det viktig å få med flest mogleg barn med i fritidsaktivitetar? 

Fritidsaktivitetar medverkar til barn og unge si heilskaplege utvikling - både fysisk, kognitivt, sosialt og emosjonelt. Det er ein viktig arena for oppleving av meistring og for å forhindre utanforskap. Ungdata-undersøkinga frå 2021 viser at om lag 1 av 4 på mellomtrinnet og over halvparten på ungdomskulen ikkje er med på noko organisert fritidsaktivitet. Det er difor viktig at dei vaksne rundt barn og ungdom oppmodar og legg til rette for at flest mogleg kan delta på fritidsaktivitetar. Dette gjeld både for å få fleire barn og unge med, og for å hindre at dei sluttar. 

Les meir

Livsmeistring – Robuste barn og unge er eit samarbeidsprosjekt mellom Sogndal – og Luster kommune. Målet er å gi barn og unge like moglegheiter til å utvikle ei god og robust psykisk helse slik at dei vert betre rusta til å takle medgang og motgang i livet uavhengig av kvar dei bur, kva barnehage eller skule dei går på og kva styrar eller rektor dei har.

Sjå nettsida til prosjektet: Robuste barn (meistrelivet.no)

Ung i Luster

Luster fritidsfond

Bustadsosial handlingsplan

Handlingsplan mot barnefattigdom

Handlingsplan mot vald i nære relasjonar

Ruspolitisk handlingsplan

Kommuneplanen samfunnsdelen 

Plan for førebyggande arbeid i Luster 2024-2028 (PDF, 2 MB)

Etablering av politisk frivilligheitserklæring i Luster kommune

«Innbyggjarane som bur i kommunen er vår viktigaste ressurs og i Luster kommune er det mange frivillige. Den frivillige innsatsen er avgjerande for å skape gode lokalsamfunn. Et godt samspel mellom kommunen og frivilligheita er nødvendig for å møte dei utfordringar og moglegheiar som følgjer samfunnsutviklinga»

Etablering av frivilligheitserklæring

Luster kommune styrkar arbeidet rundt barn og unge. Me skal etablere eit nytt psykisk helsetilbod for barn, unge (0-25 år) og deira familiar. Me ønsker å bidra til at barn, ungdom og foreldre skal få støtte og hjelp til å meistre eigne liv som bidreg til utvikling og som fremjar god psykisk helse.

Psykisk helse - Barn, unge og familie

Kommunen ønskjer å vere ein samarbeidspart for lag og organisasjonar i bygdene som ønskjer å arrangere møteplassar for alle i bygdene. Det er no oppretta dialog med nokre lag og organisasjonar og me ønskjer å ha samarbeids- og idemyldringsmøter med jamne mellomrom.  Ved å jobbe på denne måten oppnår me samskaping!

Dette er ei vidareutvikling av tiltaket – generasjonsmøteplass, som har vore arrangert i fleire bygder.

Har du ønskjer eller spørsmål kring dette? Ta kontakt med Benedikte Nergaard på tlf 991 67 868 eller benedikte.nergaard@.luster.kommune.no.

Saman om barn og unge 

Kjøp og sal av brukte varer.

Skattekista - frå meg til deg

I samarbeid med Sogn Friluftsråd, Luster IL, IL Fanaråk, IL Bjørn, Veitastrond IL og Hafslo IL er årets versjon av StikkUT! Luster i gong. StikkUT! er ei felles digital turtrimregistrering for innbyggjarar og besøkande i Luster kommune.

StikkUT! er ein nasjonal og populær turtrim med turar på ulike nivå. Det er gratis å delta, og målet er å bidra til betre folkehelse, trivsel og naturopplevingar.

Nytt i år

Turane ligg no ute heile året for registrering.

• Det er mogleg å registrere seg med utanlandsk telefonnummer.
• Per 1. mai er det lagt ut 57 unike turar, og fleire kjem gjennom sommaren.
• Det blir laga Stikkutfordringar gjennom året, der ein kan samle turar og vere med i trekking av premiar.

Trykk deg inn på stikkut.no eller last ned appen i App Store eller Google Play. Appen er brukarvenleg og inneheld gode turskildringar og GPS-spor i kart. Kanskje finn du òg nye turfavorittar i nabobygda?

Bli med å samle kreftene på tvers av bygder! 
Sogn Friluftsråd vil samarbeide med bygdelag/idrettslag/turlag eller andre lokale ressursar som vil digitalisera sine trimpostar og turar i sitt nærområde. Ved å samle krefter i bygdene skal vi forsøke å ikkje berre bli endå ein turregistreingstrim oppå alle andre, men heller bistå med å samle kreftene på tvers av bygder, lag, organisasjonar og kommunar. 

Ønskjer ditt lag eller organisasjon og digitalisere lokale turar og trimpostar i ein felles, gratis plattform? Ta kontakt med folkehelse i Luster kommune eller Sogn Friluftsråd.

Sogn Friluftsråd ønskjer å samarbeide med bygdelag, idrettslag, turlag og andre lokale ressursar som vil digitalisere trimpostar og turar i nærområdet sitt. Målet er å  ikkje berre bli endå ei turtrimløysing ved sida av alle dei andre, men heller samle krefter på tvers av bygder, lag, organisasjonar og kommunar til ei felles løysing. 

Ønskjer laget eller organisasjonen dykkar å digitalisere lokale turar og trimpostar i ei felles og gratis plattform? Ta kontakt med folkehelsekoordinator i Luster kommune eller Sogn Friluftsråd.

IL Fanaråk, Luster IL, IL Bjørn, Hafslo IL og Veitastrond IL i samarbeid med Luster kommune ønskjer deg velkommen til Stolpejakta i Luster 2026

Stolpejakta i Luster er eit gratis lågterskeltilbod for alle! Her jaktar du stolpar i ditt nærmiljø – du kan sjølv velje om du vil gå, sykle eller springe for å finne stolpane. Dei grøne stolpane kan også nås med rullestol. Du kan registrere stolpebesøk digitalt eller ved bruk av fysiske kart og brosjyre.

Sesongen går frå 1. mai til 1. november og me håpar på minst like mange besøk som i fjor! I 2025 deltok over 1750 stolpejegerar med øve 37 000 stolpebesøk, og me håpar på like mange besøk i år som i fjor. Til saman er det 115 stolpar ute – nokre av stolpane er i nærleiken eller ganske like som i fjor, mens andre stolpar er på heilt nye stader!

Me ber deltakarar i Stolpejakta om å unngå å køyre bil inn i bustadfelt for å registera stolpar. Parker på egna plass og gå til stolpane. Ta også omsyn til privat grunn – gå rundt, ikkje gjennom hagar, gardsrom, private parkeringsplassar og liknande.

Følg oss på Facebook: Stolpejakta Luster

Instagram: Stolpejakta_i_Luster

God stolpejakt! BLI KJEND I LUSTER KOMMUNE!
Stolpejakt brosjyre (PDF, 3 MB)
Lokale kart (PDF, 2 MB)

1. Luster kommune vil ta i bruk metoden Styrkebasert ABCD modellen.

Asset-Based Community Developmenthar oppstått for å skifte fokus frå utfordringar til ressursar i lokalsamfunnet.

 Meir informasjon i her (PDF, 7 MB)

Styrkebasert tilnærming til lokalt folkehelsearbeid (PDF, 4 MB)

Luster vart godkjent som Trygt Lokalsamfunn i 2016.
 

Trygge lokalsamfunn

Ungdomsteamet i Luster består av trivelege og dyktige ansatte som jobber aktivt for å imøtekomme barn og ungdom sine ønsker og behov. Vi i teamet jobber med ulike prosjekt og tilbud i kommunen, blant anna på ungdomsklubbane, i Rocket-Man, på ferieaktivitetatar som FriMoro, som ungdomslosar på ungdomsskulen, og møtar ungdom på ulike arenaer der dei er

Ta kontakt om du har eit innspel eller tilbakemelding om kva vi bør satse på framover. 

For meir info om kva som skjer som ung i Luster sjekk ut:

Instagram: ungdom_i_luster

Snapchat: ungdomiluster

Ungdomane i Luster har lenge ynskt seg ein plass dei kan henge. No har dei endeleg fått det dei ynskja seg. Vinteren 2023 opna det to nye ungdomsklubbar i Luster - ein på Hafslo og ein i Gaupne.

Ungdomsklubben

Ungdata 2022

Resultat og kafédialog frå den store Ungdata undersøkinga 2024

Ungdomslosen er eit tilbod for elevane på ungdomsskulane i kommunen; for å auke trivsel på skulen, auke mestringskjensle og for å førebygge fråvær. Ungdomslosen skal samarbeide tett med foreldra til ungdomane eller andre omsorgspersonar og hjelpe dei med å støtte ungdomane sin skulegang. 

Ungdomslos