4. kl
Førebyggande arbeid startar tidleg!
Arbeid med psykisk helse og kartlegging av angst blant born og unge
Fredag denne veka kjem representantar frå eit forskingsprosjekt (Uni Research Helse, RKBU Vest, sjå utfyllande info under) på skulen for å gjennomføre ei undersøking av angstproblematikk i 3.-7.klasse ("Engstelse hos barn og unge"). Alle foreldre til 3.-7.klassingar skal ha fått invitasjon direkte frå forskargruppa, og dei elevane som skal delta må ha med samtykkeskjema på skulen seinast fredag (men helst før, så me ser kor mange som skal ta undersøkinga). Gje beskjed om nokon treng ny kopi av samtykkeskjemaet!
Judith Vestreim kjem og lærer oss folkesongar frå Jostedalen
Barnehagen og skulen som tradisjonsbærar
Denne tysdagen og fem tysdagar utover våren kjem folkesongar Judith Vestreim på besøk med Toneskrinet og lærer oss lokale folketonar som me skal øve på, teikne til og prate om mellom besøka. Først ei økt med barnehagen, så ei økt med 1.-4.klasse kvar av tysdagane. Datoane ligg i aktivitetskalenderen.
Tysdag hadde heile skulen
Skidag på Heggmyrane
Store og små koste seg i godt vêr og gode tilhøve - då er det moro å vere i aktivitet!
Skulen:
Endring av oppsett på vekeplanane
No ser vekeplanane for 1.-4.trinn annleis ut enn dei har gjort før, og frå neste veke vil 5.-7.trinn sine òg bli endra. Formatet er endra frå «ståande» til «liggande», og innhaldet er organisert på ein litt annan måte. Me vil difor be dykk studere planen litt ekstra grundig denne veka, og gjerne spørje oss om det er uklart!
Veldig vellukka satsing i all snøen:
Ski i skulen!
Her er bilete frå då 3.-7.trinn hadde skiøkt torsdag 29.januar, men 1.-2.klasse har faktisk vore ute på ski 4 tysdagar no, biletet her er frå sist tysdag. Ingen tvil om at desse tiltaka aukar både dugleiken og gleden på ski!
Nyttig skjermtid?
Nettsider med gode læringsaktivitetar
Engelsk: STARFALL - lære lydar, lesing og andre aktivitetar på engelsk (frå barnehage til mellomtrinn)
Info frå "Foreldrepulsen"
"Læreplanen i matematikk på 1-2-3"
HER finn de lenkje til "Læreplanen i matematikk på 1-2-3" (berre bokmål).
Grendekonsert i samarbeid med Ungdomslaget, fau og Den kulturelle skulesekken
"Good time Charlie" speler i Dølaheimen 20.jan
Elevane i 5.-7.trinn vert IKKJE att på skulen, dei har workshop med musikarane siste økta i vanleg skuletid. Kl 16 har ungdomslaget sal av pølser, kaffi og kaker. Konserten vert ca kl 16.45. Vel møtt til heile bygda! Les meir om opplegget HER.
Tysdag er det kodetime for 2.-4.klasse
Meir dataprogrammering!
No får 2.klassen òg vere med - HER er lenke til kodespel/-kurset me skal prøve oss på på skulen - hald gjerne fram heime! Berre trykk på lenka og logg inn med "hemmeleg ord" som står på lapp i leksemappa.